កងជីវពលហ៊ូធី«បង្អួតសាច់ដុំសព្វាវុធ»ក្នុងក្បួនដង្ហែរបស់ខ្លួន

យេម៉ែន៖ ក្រុមឧទ្ទាម ហ៊ូធី របស់ប្រទេសយេម៉ែន បានបង្ហាញមីស៊ីលប្រឆាំងនាវា យន្តហោះដ្រូន និងសព្វាវុធយោធាជាច្រើនក្បួនព្យុហយាត្រាយោធាកាលពីថ្ងៃព្រហស្បតិ៍នៅទីក្រុង ហូឌីដា ។

ទាហានប្រហែលយេម៉ែន ២៥,០០០ នាក់នៃកងទ័ព ជើងទឹក និងទ័ពអាកាសបានចូលរួមក្នុងក្បួនដង្ហែ ដែលជាក្បួនដ៏ធំបំផុតដែលកាន់កាប់ដោយពួក ហូធី ចាប់តាំងពីបទឈប់បាញ់ដែលសម្របសម្រួលដោយអង្គការសហប្រជាជាតិ (UN) ចូលជាធរមាននៅដើមខែមេសា។

បេសកកម្មរបស់អង្គការសហប្រជាជាតិដែលបានដាក់ពង្រាយដើម្បីត្រួតពិនិត្យកិច្ចព្រមព្រៀងរវាងរដ្ឋាភិបាលយេម៉ែន និងក្រុមឧទ្ទាម ហ៊ូធី ស្តីពីការបញ្ឈប់អរិភាព និងការដាក់ពង្រាយកងកម្លាំងទៅវិញទៅមក ។ បទឈប់បាញ់ដែលកំពុងបន្តចូលជាធរមានជាលើកដំបូងនៅថ្ងៃទី ២ ខែមេសា ហើយត្រូវបានបន្តរយៈពេលពីរខែនៅថ្ងៃទី ២ ខែមិថុនាកន្លងទៅ។

បេសកជនពិសេសរបស់អង្គការសហប្រជាជាតិទទួលបន្ទុកប្រទេសយេម៉ែន លោក Hans Grundberg កាលពីថ្ងៃពុធ បានថ្កោលទោសការវាយប្រហារដ៏សាហាវទៅលើទីក្រុង Taiz នៅភាគនិរតីនៃប្រទេសដែលហែកហួរដោយសង្រ្គាមកាលពីចុងសប្តាហ៍។ អ្នកស្រុកបាននិយាយថា យ៉ាងហោចណាស់ទាហាន ១០ នាក់ត្រូវបានសម្លាប់នៅក្នុងការវាយប្រហារនេះ។

ទីក្រុង Taiz បានស្ថិតនៅក្រោមការឡោមព័ទ្ធរបស់ក្រុមឧទ្ទាម ហ៊ូធី ចាប់តាំងពីសង្រ្គាមស៊ីវិលយេម៉ែនផ្ទុះឡើងនៅចុងឆ្នាំ ២០១៤ នៅពេលដែលកងជីវពល ហ៊ូធី គាំទ្រដោយអ៊ីរ៉ង់បានវាយលុកខេត្តភាគខាងជើងជាច្រើន និងបានបង្ខំរដ្ឋាភិបាលយេម៉ែនដែលគាំទ្រដោយអារ៉ាប៊ីសាអូឌីតចេញពីរដ្ឋធានី Sanaa ៕