ហូជីមិញ៖ ប្រទេសវៀតណាម បានស្នើសុំប្រទេសម៉ាឡេស៊ីដើម្បីធានាឱ្យមានការព្យាបាលមនុស្សជាតិលើអ្នកនេសាទវៀតណាមចំនួន ៣៧ នាក់ដែលខ្លួនបានចាប់ខ្លួនកាលពីខែមិថុនា និងជួយសម្រួលដល់ពួកគេត្រឡប់ទៅប្រទេសវិញ។ នេះបើយោងតាមការចុះផ្សាយរបស់កាសែតវៀតណាម VN Express។
អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang បាននិយាយនៅក្នុងសន្និសីទសារព័ត៌មានថា កប៉ាល់នេសាទ QNa 95005 TS រួមជាមួយនឹងសមាជិកនាវិកវៀតណាម ៤២នាក់ ត្រូវបានអាជ្ញាធរម៉ាឡេស៊ីស្ទាក់ចាប់កាលពីថ្ងៃទី ១១ ខែមិថុនា ពីបទបំពានច្បាប់នេសាទរបស់ខ្លួន។
លោកស្រីបន្តថា មានតែអ្នកនេសាទ៥នាក់តែប៉ុណ្ណោះ ដែលមិនទាន់គ្រប់អាយុ ឬមានលក្ខខណ្ឌសុខភាព ត្រូវបានបញ្ចប់នីតិវិធីដោយអាជ្ញាធរម៉ាឡេស៊ី នៅថ្ងៃទី១៤ ខែកក្កដា ដើម្បីឲ្យពួកគេត្រឡប់ទៅប្រទេសវៀតណាមវិញ ក្រៅពីនោះអាជ្ញាធរម៉ាឡេស៊ីនៅតែបន្តឃុំឃាំងជនជាតិវៀតណាមដែលនេសាទខុសច្បាប់ដដែល។
វៀតណាមបានទាក់ទងម៉ាឡេស៊ីដើម្បីផ្ទៀងផ្ទាត់ព័ត៌មាន និងផ្តល់ការគាំទ្រដល់អ្នកនេសាទដែលត្រូវបានចាប់ខ្លួន។ ក្រសួងការបរទេសវៀតណាមរូបនេះ បានបន្តថា ខ្លួនក៏បានស្នើប្រទេសម៉ាឡេស៊ីធានានូវការព្យាបាលដោយមនុស្សធម៌ និងផ្តល់ឱកាសសម្រាប់អ្នកនេសាទត្រឡប់ទៅប្រទេសវៀតណាមវិញផងដែរ។
.jpg?1661483241)
ដោយឡែកស្ថានទូតវៀតណាមប្រចាំនៅម៉ាឡេស៊ីបាននិយាយកាលពីថ្ងៃទី ២១ ខែមិថុនាថា ប៉ូលីសនៅស្រុក Kudat នៃរដ្ឋ Sabah របស់ប្រទេសម៉ាឡេស៊ីបានប្រកាសថាអ្នកនេសាទចំនួន ៤២ នាក់នៅលើកប៉ាល់នេសាទមកពីខេត្ត Quang Nam ភាគកណ្តាលប្រទេសវៀតណាមត្រូវបានចាប់ខ្លួនពីបទបំពានច្បាប់នេសាទរបស់ប្រទេស។ តាមសេចក្តីរាយការណ៍ថា នៅចំណុចនៃការចាប់ខ្លួនរបស់ពួកគេ សមាជិកនាវិកពីរនាក់បានរងរបួសយ៉ាងធ្ងន់ធ្ងរ ហើយអ្នកផ្សេងទៀតមានសភាពទន់ខ្សោយជាខ្លាំង។
ឯកសារដែលចេញដោយគណៈកម្មាធិការប្រជាជនខេត្ត Quang Nam កាលពីថ្ងៃទី ២៩ ខែមិថុនា បាននិយាយថា ប្រព័ន្ធឃ្លាំមើលរបស់ឆ្មាំព្រំដែនបានរកឃើញថានាវានេះមានចម្ងាយប្រហែល ៩ម៉ាយក្នុងសមុទ្រទៅភាគអាគ្នេយ៍នៃកោះ Commodore Reef នៃកោះ Spratly នៅពេលដែលវាត្រូវបានរឹបអូសដោយអាជ្ញាធរម៉ាឡេស៊ី៕
