តុលាការថៃ«ព្យួរតំណែងនាយករដ្ឋមន្ត្រីប្រាយុទ្ធ»ជាបណ្តោះអាសន្ន

បាងកក៖ តុលាការធម្មនុញ្ញរបស់ប្រទេសថៃនៅថ្ងៃពុធ នេះបានព្យួរតំណែងនាយករដ្ឋមន្រ្តី ប្រាយុទ្ធ ចាន់អូចា ពីកាតព្វកិច្ចផ្លូវការ បន្ទាប់ពីខ្លួនបានសម្រេចចិត្តស្តាប់ញត្តិដើម្បីពិនិត្យការកំណត់អាណត្តិរយៈពេលប្រាំបីឆ្នាំរបស់គាត់តាមច្បាប់រដ្ឋធម្មនុញ្ញដែលអនុញ្ញាតិឲ្យរដ្ឋមន្រ្តីជាប់ឆ្នោតតែពីរអាណាត្តិតែប៉ុណ្ណោះ។

តុលាការថៃបានប្រកាសពីចំណាត់ការនេះក្នុងសេចក្តីថ្លែងការណ៍ជាលាយលក្ខណ៍អក្សរផ្ញើទៅកាន់ប្រព័ន្ធផ្សព្វផ្សាយក្នុងស្រុកដោយពុំទាន់បានបញ្ជាក់ថាទេថានៅពេលណាដែលខ្លួននឹងចេញសេចក្តីសម្រេចចុងក្រោយលើញត្តិដែលនាំមកដោយគណបក្សប្រឆាំងដ៏សំខាន់មួយក្នុងប្រទេសថៃ។

រដ្ឋធម្មនុញ្ញឆ្នាំ ២០១៧ របស់ប្រទេសនេះរារាំងនាយករដ្ឋមន្ត្រីពីការបម្រើសរុបលើសពីប្រាំបីឆ្នាំ ហើយគណបក្សប្រឆាំងបាននិយាយថា លោក Prayut ដែលបានកាន់អំណាចនៅក្នុងរដ្ឋប្រហារឆ្នាំ ២០១៤ បានឈានដល់កម្រិតកំណត់របស់ខ្លួចរួចហើយ ហើយលោកប្រាយុទ្ធគួរតែចាកចេញពីតំណែង។

លោក ប្រាយុទ្ធ បានបន្តកាន់តំណែងតាមរយៈការតវ៉ាប្រឆាំងនឹងកំណែទម្រង់រដ្ឋធម្មនុញ្ញជាច្រើនៗក្នុងឆ្នាំ ២០២០ ចំពេលកើតមានជំងឺរាតត្បាតដ៏អាក្រក់ សេដ្ឋកិច្ចធ្លាក់ចុះ និងការខកខានផ្នែកនយោបាយជាច្រើន ប៉ុន្តែឥឡូវនេះរដ្ឋធម្មនុញ្ញដែលលោកបានរចនាកំពុងត្រូវបានប្រើប្រាស់ប្រឆាំងនឹងរូបលោក។ ឧបនាយករដ្ឋមន្ត្រី Prawit Wongsuwan អាយុ ៧៧ ឆ្នាំ ជាអតីតមេទ័ព និងជាកំពូលអ្នកនយោបាយយូរឆ្នាំ ទំនងជានឹងក្លាយជានាយករដ្ឋមន្ត្រីបណ្តោះអាសន្ន នេះបើយោងតាមជួរគណៈរដ្ឋមន្ត្រីរបស់ថៃបានអះអាង៕