ញូវយ៉ក៖ មូលនិធិសង្គ្រោះកុមារអន្តរជាតិរបស់អង្គការសហប្រជាជាតិ (UNICEF) ព្រមានថា កុមារនៅតំបន់ហ៊ននៃទ្វីបអាហ្រ្វិក និង តំបន់ Sahel អាចស្លាប់ក្នុងចំនួនដ៏ច្រើនបំផុតមិនធ្លាប់មាន លុះត្រាតែមានការផ្តល់ជំនួយជាបន្ទាន់ ដោយសារកង្វះអាហារូបត្ថម្ភធ្ងន់ធ្ងរ និងហានិភ័យនៃជំងឺដែលឆ្លងតាមទឹក។
ចំនួនប្រជាជនដែលរងគ្រោះដោយគ្រោះរាំងស្ងួតនៅក្នុងប្រទេសអេត្យូពី កេនយ៉ា និងសូម៉ាលី ដែលគ្មានលទ្ធភាពទទួលបានទឹកសុវត្ថិភាព បានកើនឡើងពី ៩.៥ លាននាក់ដល់ ១៦.២ លាននាក់ក្នុងរយៈពេលប្រាំខែ។ ទន្ទឹមនឹងនេះដែរ កុមារនៅក្នុងតំបន់ Sahel ក៏កំពុងប្រឈមមុខនឹងកម្រិតនៃភាពងាយរងគ្រោះទឹកយ៉ាងខ្លាំងផងដែរ។
បន្ថែមពីនេះចំនួនប្រជាជនដែលរងគ្រោះដោយគ្រោះរាំងស្ងួតនៅក្នុងប្រទេសអេត្យូពី កេនយ៉ា និងសូម៉ាលី ដែលមិនមានលទ្ធភាពប្រើប្រាស់ទឹកប្រកបដោយសុវត្ថិភាព បានកើនឡើងពី ៩.៥ លាននាក់ក្នុងខែកុម្ភៈ ដល់ ១៦.២ លាននាក់ក្នុងខែកក្កដា ដោយធ្វើឱ្យកុមារ និងគ្រួសាររបស់ពួកគេស្ថិតក្នុងហានិភ័យនៃការឆ្លងជំងឺដូចជាជំងឺអាសន្នរោគ និងរាគ។
នៅក្នុងបណ្តាលប្រទេសដូចជា Burkina Faso, Chad, Mali, និង Nigeria គ្រោះរាំងស្ងួត ជម្លោះ និងអសន្តិសុខកំពុងជំរុញឱ្យមានអសន្តិសុខក្នុងទឹក ដោយមានកុមារចំនួន៤០ លាននាក់ប្រឈមមុខនឹងភាពងាយរងគ្រោះទឹកកម្រិតខ្ពស់ដល់កម្រិតខ្ពស់បំផុត។
យោងតាមទិន្នន័យចុងក្រោយរបស់អង្គការសុខភាពពិភពលោក (WHO) បានឱ្យដឹងថា កុមារកាន់តែច្រើនបានស្លាប់ដោយសារតែទឹកមិនមានសុវត្ថិភាព និងអនាម័យនៅក្នុងទីក្រុង Sahel មនុស្សភាគច្រើននៅក្នុង អាហ្វ្រិក ពឹងផ្អែកលើទឹកដែលចែកចាយដោយអ្នកលក់នៅលើឡានដឹកទំនិញ ឬរទេះសត្វលា។
ទឹកលែងមានគ្រប់គ្រាន់សម្រាប់គ្រួសារជាច្រើននៅតំបន់ដែលរងគ្រោះរាំងស្ងួតខ្លាំងជាងគេ។
នៅក្នុងប្រទេសសូម៉ាលី ការផ្ទុះឡើងនៃជំងឺរាគរូសក្នុងទឹក និងជំងឺអាសន្នរោគត្រូវបានរាយការណ៍កើតមានឡើងនៅក្នុងស្ទើរតែគ្រប់ស្រុកដែលរងផលប៉ះពាល់ដោយគ្រោះរាំងស្ងួត ដោយមានករណីចំនួន ៨,២០០ ត្រូវបានរាយការណ៍នៅចន្លោះខែមករា និងខែមិថុនា ច្រើនជាងពីរដងនៃចំនួនករណីដែលបានរាយការណ៍ក្នុងអំឡុងពេលដូចគ្នាកាលពីឆ្នាំមុន ស្ទើរតែ ២ ភាគ ៣ នៃអ្នកដែលរងផលប៉ះពាល់គឺជាកុមារដែលមានអាយុក្រោម ៥ ឆ្នាំ។
នៅចន្លោះខែមិថុនា ឆ្នាំ ២០២១ ដល់ខែមិថុនា ឆ្នាំ ២០២២ អង្គការយូនីសេហ្វ និងដៃគូនានាបានព្យាបាលជាង ១.២លានករណីនៃជំងឺរាគរូសចំពោះកុមារអាយុក្រោម ៥ ឆ្នាំ នៅក្នុងតំបន់ដែលរងគ្រោះដោយគ្រោះរាំងស្ងួតដ៏អាក្រក់បំផុតនៃប្រទេសអេត្យូពី - អាហ្វារ ប្រទេសសូម៉ាលី។
នៅប្រទេសកេនយ៉ា ជាង ៩០ ភាគរយនៃប្រភពទឹកបើកចំហ ដូចជាស្រះ និងអណ្តូង នៅក្នុងតំបន់ដែលរងផលប៉ះពាល់ដោយគ្រោះរាំងស្ងួតត្រូវបានរីងស្ងួត ឬស្ងួតហួតហែង ដែលបង្កហានិភ័យធ្ងន់ធ្ងរនៃការផ្ទុះជំងឺ។
នៅទូទាំងតំបន់ Sahel ភាពអាចរកបានទឹកក៏បានធ្លាក់ចុះជាង ៤០ ភាគរយក្នុងរយៈពេល ២០ ឆ្នាំចុងក្រោយនេះ ដោយសារតែការប្រែប្រួលអាកាសធាតុ និងកត្តាស្មុគស្មាញដូចជាជម្លោះ ដែលធ្វើឲ្យកុមារ និងគ្រួសាររាប់លាននាក់ប្រឈមនឹងហានិភ័យនៃជំងឺដែលឆ្លងតាមទឹក។ កាលពីឆ្នាំមុន អាហ្វ្រិកខាងលិច និងកណ្តាលបានកត់សម្គាល់ពីការផ្ទុះជំងឺអាសន្នរោគដ៏អាក្រក់បំផុតរបស់តំបន់ក្នុងរយៈពេលប្រាំមួយឆ្នាំចុងក្រោយនេះ រួមទាំងករណីចំនួន ៥,៦១០ករណី និងការស្លាប់ចំនួន ១៧០ នាក់នៅកណ្តាលតំបន់ Sahel ។
អង្គការយូនីសេហ្វកំពុងផ្តល់ជំនួយសង្គ្រោះជីវិត និងសេវាពហុវិស័យធន់ទ្រាំដល់កុមារ និងគ្រួសាររបស់ពួកគេដែលមានតម្រូវការធ្ងន់ធ្ងរនៅទូទាំងតំបន់ហ៊ននៃទ្វីបអាហ្រ្វិក និងសាហេល រួមទាំងការកែលម្អលទ្ធភាពទទួលបានទឹកដែលធន់នឹងអាកាសធាតុ អនាម័យ និងសេវាអនាម័យ ការខួងយកប្រភពទឹកក្រោមដីដែលអាចទុកចិត្តបាន៕
