ប៉ូលីសឡោមព័ទ្ធផ្ទះអតីតនាយករដ្ឋមន្រ្តីប៉ាគីស្ថានពាក់ព័ន្ធរំលោភច្បាប់ប្រឆាំងអំពើភេរវកម្ម

ប៉ាគីស្ថាន៖ អតីតនាយករដ្ឋមន្ត្រីប៉ាគីស្ថាន Imran Khan ត្រូវបានបណ្តេញចេញពីតំណែងកន្លងទៅ ត្រូវបានចោទប្រកាន់ពីបទរំលោភច្បាប់ប្រឆាំងអំពើភេរវកម្មរបស់ប្រទេស បូករួមទាំងការគំរាមកំហែងចៅក្រមស្ត្រី និង មន្ត្រីប៉ូលិសជាន់ខ្ពស់ពីរនាក់ អំឡុងពេលបាតុកម្មនៅទីក្រុង Islamabad កាលពីយប់ថ្ងៃសៅរ៍។

វីដេអូដែលត្រូវបានគេរាយការណ៍ថាបានថតនៅផ្ទះរបស់គាត់កាលពីល្ងាចថ្ងៃអាទិត្យបង្ហាញពីប៉ូលីសកំពុងស្ថិតនៅជុំវិញលំនៅដ្ឋានរបស់គាត់។

នៅក្នុងសុន្ទរកថារបស់គាត់ក្នុងអំឡុងពេលបាតុកម្មកាលពីថ្ងៃសៅរ៍ លោក Khan បានគំរាមកំហែងថានឹងដាក់ការចោទប្រកាន់របស់គាត់ប្រឆាំងនឹងចៅក្រម Zeba Chaudhry ភ្នាក់ងារប៉ូលីសពីរ គណៈកម្មាធិការរៀបចំការបោះឆ្នោតប៉ាគីស្ថាន និងគូប្រជែងនយោបាយផ្សេងទៀត ដោយព្រមានថាពួកគេគួរតែរៀបចំដើម្បីប្រឈមមុខនឹង "ផលវិបាក" ចំពោះការប្រព្រឹត្តអាក្រក់របស់ពួកគេចំពោះរូបលោក។

លោក Khan បាននឹងកំពុង "បន្តកំណត់គោលដៅលើស្ថាប័នរដ្ឋដោយកម្រិតការចោទប្រកាន់ដោយគ្មានមូលដ្ឋាន និងការផ្សព្វផ្សាយពាក្យសំដីស្អប់ខ្ពើមញុះញង់ តាមរយៈសេចក្តីថ្លែងការណ៍បង្កហេតុរបស់គាត់ប្រឆាំងនឹងស្ថាប័នរដ្ឋ និងមន្រ្តីដោយលោកមានចេតនាបង្កចលាចលក្នុងប្រទេស៕