Eqm5 on ads news
Photo 2022 10 27 10.25.28
Photo 2022 10 27 15.04.39
Jetour
Cct 01
Website cc time banner

វៀតណាមប្រទះឃើញ«សាកសពយុវជនម្នាក់»រត់គេចពីកាស៊ីណូនៅកម្ពុជា

អន្តរជាតិ
/
អ្នកយកព័ត៌មាន:
កូ រដ្ឋា
/
ជន​ជាតិ​វៀតណាម​ដែល​រត់​គេច​ខ្លួន​ពី​កាស៊ីណូ​កម្ពុជា​មក​ស្នាក់​នៅ​ផ្ទះ​វប្បធម៌ Da Phuoc ក្នុង​ស្រុក An Giang កាល​ពី​ថ្ងៃ​ទី​១៩ ខែ​សីហា ឆ្នាំ​២០២២

ហូជីមិញ៖ សាកសពក្មេងប្រុសវៀតណាមអាយុ ១៦ ឆ្នាំម្នាក់ដែលរត់គេចចេញពីកាស៊ីណូនៅកម្ពុជាជាមួយមនុស្ស ៤២ផ្សេងទៀត ត្រូវបានគេប្រទះឃើញសាកសពនៅក្នុង ទន្លេនៃស្រុក An Phu នៃខេត្ត An Giang ប្រទេសវៀតណាម។ នេះបើយោងតាមការចុះផ្សាយរបស់កាសែតវៀតណាម VN Express។

លោក Dinh Van Noi ប្រធាននាយកដ្ឋានប៉ូលីសនៃខេត្ត An Giang ភាគខាងត្បូងប្រទេសវៀតណាម បាននិយាយកាលពីថ្ងៃសៅរ៍ថា អាជ្ញាធរកំពុងធ្វើកោសល្យវិច័យ ហើយនឹងប្រគល់សាកសពទៅឱ្យក្រុមគ្រួសារជនរងគ្រោះនៅខេត្ត Gia Lai នៅតំបន់ខ្ពង់រាបភាគកណ្តាលដើម្បីធ្វើពិធីបុណ្យសព។

ប៉ូលិសបាននិយាយថា ការស៊ើបអង្កេតមួយកំពុងបន្តដើម្បីបង្ក្រាបក្រុមជួញដូរមនុស្សដែលមានសក្តានុពលពាក់ព័ន្ធនឹងករណីនេះ។ អ្នករត់គេចខ្លួនពីកាស៊ីណូ បាននិយាយថា មានជនជាតិវៀតណាមជាង ២០០០នាក់ នាំយកមកកម្ពុជាជាកម្មករខុសច្បាប់នៅក្នុងកាស៊ីណូជាច្រើន។

ប៉ូលីសខេត្ត An Giang បានសហការជាមួយសមភាគីនៃខេត្តកណ្តាលរបស់កម្ពុជាកាលពីថ្ងៃសុក្រដើម្បីស្វែងរកកម្មករខុសច្បាប់ទាំងអស់ដែលត្រូវបានឃុំខ្លួននៅកាស៊ីណូក្នុងស្រុកដើម្បីឱ្យពួកគេអាចត្រឡប់ទៅប្រទេសវៀតណាមវិញ។ ប៉ូលិសកម្ពុជាបានបញ្ជាក់ថា ក្រុមប៉ូលិសបានរកឃើញមនុស្ស ១១ នាក់កំពុងជាប់ឃុំនៅកាស៊ីណូក្នុងឃុំជ្រៃធំ។

លោក Nguyen Thanh Binh ប្រធានគណៈកម្មាធិការប្រជាជនខេត្ត An Giang អះអាងថា អាជ្ញាធរបានធ្វើតេស្តរកកូវីដ១៩ និងសារធាតុញៀនពីអ្នករត់គេចពីកាស៊ីណូនៅកម្ពុជា ហើយការធ្វើតេស្តទាំងអស់គឺអវិជ្ជមាន។ លោកបានបន្ថែមថា នៅពេលការស៊ើបអង្កេតបញ្ចប់ អ្នករត់គេចខ្លួននឹងត្រឡប់ទៅក្រុមគ្រួសារវិញ។

គួរបញ្ជាក់ថាកាលពីថ្ងៃព្រហស្បត្តិ៍ ជនជាតិវៀតណាម ៤២នាក់ ដែលធ្វើការក្នុងកាស៊ីណូមួយក្នុងខេត្តកណ្តាល របស់កម្ពុជា បានរត់គេចខ្លួន ហើយហែលឆ្លងទន្លេ ដើម្បីត្រឡប់ទៅប្រទេសវៀតណាមវិញ ដោយសារពួកគេជាប់ពន្ធនាគារ និងធ្វើទារុណកម្មក្នុងកាស៊ីណូ។ សរុប ៤០នាក់បានជោគជ័យ ប៉ុន្តែម្នាក់ត្រូវបានទឹកហូរនាំចេញ ហើយម្នាក់ទៀតត្រូវបានឆ្មាំកាស៊ីណូចាប់មកវិញ។

អ្នកនាំពាក្យក្រសួងការបរទេសលោកស្រី Le Thi Thu Hang កាលពីថ្ងៃសុក្របាននិយាយថា ប្រទេសវៀតណាមបានស្នើសុំកម្ពុជាឱ្យជួយក្នុងការស៊ើបអង្កេត និងជួយស្វែងរកអ្នកបាត់ខ្លួនទាក់ទងនឹងករណីនេះបន្ថែមទៀត៕

ផ្ទាំងពាណិជ្ជកម្ម
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង