Yearendyearend1140x150
Img 0571

ចិនចេញវិធានការសង្គ្រោះបន្ទាន់ បន្ទាប់ពីបាក់ទំនប់ទឹកនៅក្រុងLiaoning

អន្តរជាតិ
/
អ្នកយកព័ត៌មាន:
កូ រដ្ឋា
/

ចិន៖ អាជ្ញាធរចិនបានចេញវិធានការគ្រប់គ្រងទឹកជំនន់ និងគ្រោះមហន្តរាយដើម្បីជាការឆ្លើយតបទៅនឹងការបាក់ទំនប់ទឹកនៃទន្លេនៅក្នុងខេត្ត Liaoning ភាគឦសានប្រទេសចិនកាលពីថ្ងៃចន្ទ។

ទីស្នាក់ការកណ្តាលគ្រប់គ្រងទឹកជំនន់ និងសង្គ្រោះគ្រោះរាំងស្ងួតរបស់រដ្ឋនៃប្រទេសចិន បានរៀបចំការពិគ្រោះយោបល់ស្តីពីការគ្រប់គ្រងទឹកជំនន់ និងការសង្គ្រោះគ្រោះមហន្តរាយ។ទន្លេ Raoyang ក្នុងទីក្រុង Panjin បានបាក់ហើយកំពុងប្រែក្លាយជាទឹកជំនន់ដ៏ធំបំផុតចាប់តាំងពីកំណត់ត្រាបានចាប់ផ្តើមនៅឆ្នាំ ១៩៥១ ។

នៅម៉ោងប្រមាណ ៥:០០ កាលពីថ្ងៃទី៣១ ខែកក្កដា ទឹកទន្លេបានទទួលរងនូវទឹកជំនន់ជាលើកទីពីរខណៈដែលការបាក់ទំនប់វារីអគ្គិសនីបានកើតឡើងនៅព្រឹកថ្ងៃចន្ទ ទីស្នាក់ការកណ្តាលគ្រប់គ្រងទឹកជំនន់របស់ក្រុងបានផ្តួចផ្តើមឱ្យមានការឆ្លើយតបជាបន្ទាន់នូវការប្រកាសអាសន្នជម្លៀសពលរដ្ឋទៅកាន់ទីសុវត្ថិភាព

ជាមួយគ្នានេះដែរការពិគ្រោះយោបល់បានតម្រូវឱ្យរដ្ឋាភិបាលក្រុង Liaoning រៀបចំបុគ្គលិក សម្ភារៈ និងបរិក្ខារដើម្បីជួសជុលការបាក់បែក និងបូមទឹកចេញ។ អាជ្ញាធរមូលដ្ឋាននឹងពង្រឹងការត្រួតពិនិត្យ និងបង្កើនប្រសិទ្ធភាពការបញ្ជូនគម្រោងគ្រប់គ្រងទឹកជំនន់ ដើម្បីធានាសុវត្ថិភាពនៃផ្លូវលំនៅតាមដងទន្លេ Liaohe ។

ក្រុមការងារមកពីទីស្នាក់ការកណ្តាលក៏បានដឹកនាំការងារគ្រប់គ្រងទឹកជំនន់ក្នុងខេត្ត គិតត្រឹមម៉ោង ០៨:០០ ថ្ងៃពុធនេះ ការិយាល័យ និងក្រសួងបានបញ្ជូនអ្នកជួយសង្គ្រោះពិសេស២២៣ នាក់ និងឧបករណ៍ ៣២ ឈុត ដើម្បីទប់ស្កាត់ការបាត់បង់ជីវិតរបស់ប្រជាពលរដ្ឋទាំងអស់៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង