អាម៉េរិក៖ ប្រធានសភាតំណាងរាស្រ្តអាម៉េរិកលោកស្រី Nancy Pelosi នាថ្ងៃទី ៤ កក្កដានេះ គ្រោងនឹងធ្វើទស្សនកិច្ចនៅតំបន់ព្រំដែនអន្តរកូរ៉េ ចំពេលដែលវិបត្តិកូរ៉េខាងជើងនឹងត្បូងកំពុងបន្តក្តៅឡើយៗ។ នេះបើយោងតាមទីភ្នាក់ងារសារព័ត៌មាន Associated Press បានរាយការណ៍ដោយដកស្រង់សម្តីមន្ត្រីកូរ៉េខាងត្បូង។
របាយការណ៍បានបន្ថែមថា ប្រសិនបើដំណើរទស្សនកិច្ចនោះកើតឡើង លោកស្រី Pelosi នឹងក្លាយជាជនជាតិអាមេរិកកម្រិតខ្ពស់បំផុតដែលទៅតំបន់សន្តិសុខរួមរបស់កូរ៉េទាំងពីរ បន្ទាប់ពី ប្រធានាធិបតី Donald Trump បានទៅទីនោះក្នុងឆ្នាំ ២០១៩ សម្រាប់កិច្ចប្រជុំជាមួយមេដឹកនាំកូរ៉េខាងជើង Kim Jong Un។
AP បានបន្តថានៅព្រឹកថ្ងៃដដែល លោកស្រី Pelosi នឹងជួបជាមួយប្រធានរដ្ឋសភាកូរ៉េខាងត្បូង លោក Kim Jin Pyo និងសមាជិកជាន់ខ្ពស់ផ្សេងទៀតនៃសភា ដើម្បីពិភាក្សាអំពីសន្តិសុខក្នុងតំបន់ កិច្ចសហប្រតិបត្តិការសេដ្ឋកិច្ច និងបញ្ហាអាកាសធាតុ៕
