រុស្ស៊ីបានបំផ្លាញឃ្លាំងផ្ទុកមីស៊ីលដែលផ្គត់ផ្គង់ដោយណាតូនៅអ៊ុយក្រែន

រុស្ស៊ី៖ ក្រសួងការពារជាតិរុស្ស៊ីបាននិយាយថា មីស៊ីលរុស្ស៊ីបានបំផ្លាញឃ្លាំងអាវុធមួយនៅក្នុងទីក្រុងកំពង់ផែ Odessa ដែលត្រូវបានប្រើសម្រាប់រក្សាទុកមីស៊ីលប្រឆាំងនាវា "Harpoon" ដែលផ្តល់ដោយណាតូ។

ក្រសួងការពារជាតិរុស្ស៊ីបាននិយាយនៅថ្ងៃទី ១៦ ថា រដ្ឋមន្ត្រីការពារជាតិរុស្ស៊ីលោក Sergei Shoigu បានណែនាំកងទ័ពរុស្ស៊ីឱ្យបង្កើនប្រតិបត្តិការរបស់ខ្លួននៅគ្រប់ទិសទី ដើម្បីការពារ ពីការវាយប្រហាររបស់អ៊ុយក្រែនដោយមីស៊ីលនិងកាំភ្លើងធំលើ Donbass និងកន្លែងផ្សេងទៀត។

ប្រធានាធិបតីអ៊ុយក្រែន លោក Zelenskiy បានបណ្តេញនាយកការិយាល័យសន្តិសុខរដ្ឋ កាលពីថ្ងៃទី ១៧ ខែកក្កដា ក្រោមហេតុផលថា មនុស្សជាច្រើននៅក្នុងស្ថាប័នដែលពួកគេដឹកនាំ ត្រូវបានសង្ស័យថា "សហការជាមួយសត្រូវ"។ យោងតាមទីភ្នាក់ងារព័ត៌មាន Reuters នេះគឺជាការតែងតាំង និងការបណ្តេញចេញដ៏សំខាន់បំផុតរបស់រដ្ឋាភិបាលរបស់លោក Zelenskiy ចាប់តាំងពីប្រទេសរុស្ស៊ីបានចាប់ផ្តើមប្រតិបត្តិការយោធាពិសេសប្រឆាំងនឹងអ៊ុយក្រែនកាលពីខែកុម្ភៈ។

លោក Zelenskiy បានចុះហត្ថលេខាលើបទបញ្ជាប្រតិបត្តិនៅថ្ងៃទី ១៧ ដើម្បីដកនាយកទីភ្នាក់ងារសន្តិសុខរដ្ឋលោក Ivan Bakanov និងប្រធានព្រះរាជអាជ្ញា Irina Wenetiktova ហើយបានតែងតាំងអគ្គមេធាវីរង Alexei Simonenko ជាអគ្គមេធាវីវិញ។

នៅក្នុងសុន្ទរកថាវីដេអូប្រចាំថ្ងៃរបស់លោក Zelenskiy បាននិយាយថា ជាង ៦៥០ ករណីនៃការចោទប្រកាន់ពីបទក្បត់ជាតិ ឬការសហការជាមួយសត្រូវក្នុងការកាត់ទោស និងសេវាសន្តិសុខកំពុងស្ថិតនៅក្រោមការស៊ើបអង្កេត ។

នៅថ្ងៃដដែល អគ្គសេនាធិការនៃយោធាអ៊ុយក្រែនបានប្រកាសថា ខ្លួននឹងរារាំងការវាយប្រហារទៅមុខរបស់រុស្ស៊ីទៅកាន់បន្ទាយភាគខាងជើងនៃ Slavyansk និងកន្លែងផ្សេងទៀត៕