ព្រះសីហនុ៖ តំបន់ទំបន់រលក មានផែចតទូកនេសាទចំនួន៤២ផែ ដែលជាតំបន់លក់បោះដុំគ្រឿងសមុទ្រដ៏ធំមួយនៅ ទីក្រុងព្រះសីហនុ ដើម្បីផ្គត់ផ្គង់សេចក្តីត្រូវការរបស់ពលរដ្ឋនៅក្នុងមូលដ្ឋាន និង សម្រាប់ការនាំចេញទៅក្រៅប្រទេស។
ទូកនេសាទទាំងតូចទាំងធំរាប់រយគ្រឿង បានចូលចតនៅតំបន់នេះជារៀងរាល់ថ្ងៃ ខណៈទូកនេសាទតូចត្រូវចេញទៅនេសាទនៅផ្ទៃសមុទ្រចន្លោះពី ៨ថ្ងៃទី កន្លះខែ រីឯទូកនេសាទធំចេញនេសាទប្រហែល១ខែ។
«គ្រឿងសមុទ្រធម្មជាតិស្រស់ៗ»រាប់រយតោនគីឡូដែលប្រជាពលរដ្ឋនេសាទបាន ត្រូវបានឈ្មួញមកអង្គុយរង់ចាំទិញតាំងពីម៉ោង៣ព្រឹក ដើម្បីយកទៅលក់បន្តតាមសណ្ឋាគារ និង ភោជនីដ្ឋាន ក្នុងទីក្រុងព្រះសីហនុ និង នាំចេញទៅក្រៅ៕