![](https://cdn.cc-times.com/kh.cc-times.com/media/179/large/CCTIME__(20).jpg?1581571160)
ភ្នំពេញ : អ្នកឧកញ៉ា ពុង ឃាវសែ ប្រធានសមាគមសម្ព័ន្ធខ្មែរ-ចិននៅកម្ពុជា បានផ្តាំផ្ញើដល់សម្ព័ន្ធអតីតសិស្សទួនហ្វា អោយពង្រីកទំនាក់ទំនង សម្រាប់សាមគ្គីភាពជាមួយសម្ព័ន្ធ និងសមាគមផ្សេងៗទៀត និង ត្រូវចូលរួមអោយសកម្មក្នុងការអភិវឌ្ឍសេដ្ឋកិច្ចប្រទេសជាតិ។ អ្នកឧកញ៉ា ពុង ឃាវសែបានផ្តាំផ្ញើបែបនេះ នៅក្នុងជំនួបដែលបានប្រារព្ធឡើងកាលពីថ្ងៃទី១២ ខែកុម្ភៈ ឆ្នាំ២០២០ នៅការិយាល័យធនាគារកាណាឌីយ៉ា។
លោក កាំង ឡេង ជាប្រធានអាណត្តិទី១ នៃសម្ព័ន្ធអតីតសិស្សទួនហ្វា បានប្រាប់ស៊ីស៊ីថាមន៍បន្ទាប់ពីបញ្ចប់ជំនួបថា គោលបំណងក្នុងក្នុងជំនួបនេះ គឺដើម្បីសុំជាគំនិតយោបល់របស់លោកប្រធានពុង ឃាវសែ ក្នុងការអភិវឌ្ឍកិច្ចការងារសម្ព័ន្ធអតីតសិស្សទួនហ្វា ក៏ដូចជាទាក់ទងនឹងការងារសង្គម ដើម្បីយកនូវធាតុចូលសម្រាប់ការអភិវឌ្ឍន៍សម្ព័ន្ធនេះឲ្យបានធំធាត់ឡើង និងមាននិរន្តភាពនាថ្ងៃអនាគត។
សម្ព័ន្ធអតីតសិស្សទួនហ្វា ត្រូវបានបង្កើតឡើងនៅថ្ងៃទី១២ ខែមករា ឆ្នាំ២០២០ ដោយក្រុមយុវជនសមាគមនិកាយចិនទាវជិវ នៅកម្ពុជា។ គោលបំណងសំខាន់នៃការផ្តួចផ្តើមគំនិតបង្កើតសម្ព័ន្ធនេះឡើងគឺ ទី១ ដើម្បីលើកស្ទួយនិងកែទម្រង់វិស័យអប់រំរបស់សាលាចិនទួនហ្វា និងទី២ ជួយគាំពារ សួរសុខទុក្ខលោកគ្រូអ្នកគ្រូដែលបានចូលនិវត្តន៍ និងលោកគ្រូអ្នកគ្រូដែលកំពុងបង្រៀននៅសាលាចិនទួនហ្វា។
ក្នុងជំនួបនេះទទួលបានលិទ្ធផលជាផ្លៃផ្កា ដោយមានការពិភាក្សា និងការប្តូរយោបល់ ដើម្បីធ្វើឲ្យប្រសើរឡើងនូវរចនាសម្ព័ន្ធអតីតសិស្សទួនហ្វានេះ និងវិធីគ្រប់គ្រង់ ក៏ដូចជាវិធីរកចំណូល ចំណាយដើម្បីឲ្យមានតុល្យភាពទៅថ្ងៃអនាគត។
ក្នុងឱកាសនៃជំនួបអ្នកឧកញ៉ា ពុង ឃាវសែ បានផ្តាំផ្ញើដល់សម្ព័ន្ធអតីតសិស្ស និងសិស្សដែលកំពុងសិក្សានៅសាលាទួនហ្វាទាំងអស់ ឲ្យចេះមានសាមគ្គីភាព ដើម្បីប្រើសម្ព័ន្ធនេះ ជាកម្លាំងនៃការរីកចម្រើន និងមាននិរន្តភាពនាថ្ងៃអនាគត ក៏ដូចជាពង្រីកទំនាក់ទំនង សម្រាប់សាមគ្គីភាពជាមួយសម្ព័ន្ធ និងសមាគមផ្សេងៗទៀត។
លោក កាំង ឡេង ជាប្រធានអាណត្តិទី១ នៃសម្ព័ន្ធអតីតសិស្សទួនហ្វា ជំនួសមុខឲ្យក្រុមការងារទាំងអស់ បានថ្លែងអំណរអរគុណយ៉ាងជ្រាលជ្រៅចំពោះអ្នកឧកញ៉ា ពុង ឃាវសែ ដែលបានចំណាយពេលវេលាដ៏មានតម្លៃក្នុងការចូលរួមផ្តល់យោបល់ល្អៗ ក៏ដូចជាការចែករំលែកនូវបទពិសោធន៍គ្រប់គ្រងអាជីវកម្ម និងកិច្ចការងារសង្គមជាដើម។
![](https://cdn.cc-times.com/kh.cc-times.com/media/180/large/CCTIME__(11).jpg?1581571263)
![](https://cdn.cc-times.com/kh.cc-times.com/media/181/large/CCTIME__(16).jpg?1581571282)
![](https://cdn.cc-times.com/kh.cc-times.com/media/183/large/CCTIME__(2).jpg?1581571481)
![](https://cdn.cc-times.com/kh.cc-times.com/media/184/large/CCTIME__(5).jpg?1581571489)
![](https://cdn.cc-times.com/kh.cc-times.com/media/185/large/CCTIME__(6).jpg?1581571496)
![](https://cdn.cc-times.com/kh.cc-times.com/media/186/large/CCTIME__(7).jpg?1581571504)
![](https://cdn.cc-times.com/kh.cc-times.com/media/187/large/CCTIME__(12).jpg?1581571515)
![](https://cdn.cc-times.com/kh.cc-times.com/media/188/large/CCTIME__(14).jpg?1581571525)
![](https://cdn.cc-times.com/kh.cc-times.com/media/189/large/CCTIME__(8).jpg?1581571541)
![](https://cdn.cc-times.com/kh.cc-times.com/media/190/large/CCTIME__(18).jpg?1581571555)
![](https://cdn.cc-times.com/kh.cc-times.com/media/191/large/CCTIME__(21).jpg?1581571563)