ណូអ៊ីដា៖ រលកកំដៅកំពុងចាប់ផ្តើមវាយលុកប្រទេសឥណ្ឌាជាថ្មីម្តងទៀតនាពេលថ្មីៗនេះ ដោយសីតុណ្ហភាពនៅក្នុងតំបន់មួយចំនួនក្នុងប្រទេសឥណ្ឌលោតទៅដល់ ៥០សង្សាសេដែលបង្ខំឲ្យប្រជាជនឥណ្ឌានាំគ្នាចុះងូតទឹកស្រះ នឹងទឹកប្រឡាយ។
ប្រទេសឥណ្ឌាកំពុងនឹងប្រឈមជាមួយរលកកំដៅដែលមិនធ្លាប់មានពីមុនមក កម្មករក្រីក្រភាគច្រើនរបស់ប្រទេសនេះ ដែលជាទូទៅធ្វើការនៅខាងក្រៅគឺងាយនឹងរងនូវសីតុណ្ហភាពក្តៅខ្លាំងជាទីបំផុត។លោក Tundre ដែលជាកម្មករមួយរូបបាននិយាយថា "កំដៅខ្លាំងពេក ហើយប្រសិនបើយើងមិនធ្វើការ តើយើងនឹងញ៉ាំអ្វី? ពីរបីថ្ងៃ យើងធ្វើការ បន្ទាប់មកយើងអង្គុយទំនេរពីរបីថ្ងៃ ដោយសារតែអស់កម្លាំង និងក្តៅ"។ លោកបន្តថា សីតុណ្ហភាពនៅក្នុងតំបន់ New Delhi បានឡើងដល់ ៤៥ អង្សាសេនៅឆ្នាំនេះ ដែលជារឿយៗបណ្តាលឱ្យ Tundre និងប្រពន្ធរបស់គាត់ Lata ដែលធ្វើការនៅការដ្ឋានសំណង់ដូចគ្នាធ្លាក់ខ្លួនឈឺ ហើយនោះមានន័យថាពួកគេបាត់បង់ប្រាក់ចំណូល។
យោងតាមនាយកដ្ឋានឧតុនិយមឥណ្ឌា (IMD) បានឱ្យដឹងថា រលកកំដៅដែលមិនឈប់ឈរទំនងជានឹងបណ្តាលឱ្យផ្នែកខ្លះនៃទីក្រុងដេលីមានសីតុណ្ហភាពនៅភាគខាងជើង ៤៩អង្សាសេនៅថ្ងៃចន្ទ។ អ្នកវិទ្យាសាស្ត្របានភ្ជាប់ការចាប់ផ្តើមដំបូងនៃរដូវក្តៅខ្លាំងទៅនឹងការប្រែប្រួលអាកាសធាតុ ហើយនិយាយថាមនុស្សជាងមួយពាន់លាននាក់នៅក្នុងប្រទេសឥណ្ឌា និងប៉ាគីស្ថានជិតខាងកំពុងប្រឈមនឹងហានិភ័យពីកំដៅខ្លាំង។
ទន្ទឹមនិងនេះ ប្រទេសឥណ្ឌាបានទទួលរងនូវសីតុណ្ហភាពក្តៅបំផុតក្នុងខែមីនាក្នុងរយៈពេលជាង ១០០ឆ្នាំ ហើយផ្នែកខ្លះនៃប្រទេសបានជួបប្រទះនឹងសីតុណ្ហភាពខ្ពស់បំផុតរបស់ពួកគេក្នុងកំណត់ត្រាក្នុងខែមេសា។ កន្លែងជាច្រើនរួមទាំងទីក្រុងញូវដេលីបានឃើញរង្វាស់សីតុណ្ហភាពកំពូល ៤០ អង្សាសេ។ មនុស្សជាងមួយចំនួនបានស្លាប់ដោយសារជំងឺដាច់សរសៃឈាមខួរក្បាលដែលគេសង្ស័យថាមានកំដៅចាប់តាំងពីចុងខែមីនា ហើយតម្រូវការថាមពលបានកើនឡើងដល់កម្រិតខ្ពស់ជាច្រើនឆ្នាំ៕
