ប្រេស៊ីល៖ អត្រាអតិផរណារបស់ប្រទេសប្រេស៊ីលបានកើនឡើងដល់ ១.០៦ ភាគរយក្នុងមួយខែនៅក្នុងខែមេសា ដែលជាកម្រិតខ្ពស់បំផុត សម្រាប់រយៈពេលដូចគ្នាចាប់តាំងពីឆ្នាំ ១៩៩៦ នេះបើយោងតាមទិន្នន័យដែលបានចេញផ្សាយកាលពីថ្ងៃពុធ ដោយវិទ្យាស្ថានភូមិសាស្ត្រនិងស្ថិតិប្រេស៊ីល។
អត្រាអតិផរណារបស់ប្រេស៊ីលក្នុងរយៈពេល ១២ ខែចុងក្រោយនេះ បានឈានដល់ ១២.១៣ ភាគរយ។ ធនាគារកណ្តាលរបស់ប្រទេសប្រេស៊ីលបានដំឡើងអត្រាការប្រាក់ចំនួន ១០ ដងជាប់ៗគ្នាដោយសារតែអត្រាអតិផរណាខ្ពស់ដែលធ្វើឱ្យអត្រាមូលដ្ឋាននៅ ១២.៧៥ ភាគរយ។
ទិន្នន័យបានបង្ហាញថា ក្នុងខែមេសា តម្លៃប្រេងឥន្ធនៈនៅក្នុងប្រទេសប្រេស៊ីល បានកើនឡើង ៣.២ ភាគរយពីខែមីនា ដែលរួមចំណែកភាគច្រើនដល់ការកើនឡើងនៃអតិផរណា។ លើសពីនេះ តម្លៃអាហារ និងភេសជ្ជៈ ថ្លៃដឹកជញ្ជូន ការថែទាំសុខភាព ទំនិញប្រើប្រាស់ក្នុងផ្ទះ និងសម្លៀកបំពាក់។
វាក៏មានការកើនឡើងតិចតួចនៃការចំណាយលើទំនិញប្រើប្រាស់ផ្ទាល់ខ្លួន ការទំនាក់ទំនង និងការអប់រំ ខណៈពេលដែលតម្លៃលំនៅដ្ឋានបានធ្លាក់ចុះ ១.១៤ ភាគរយនៅក្នុងខែមេសា។ ក្រសួងសេដ្ឋកិច្ចប្រេស៊ីលបានប្រកាសកាលពីថ្ងៃពុធថា ខ្លួននឹងកាត់បន្ថយពន្ធនាំចូលលើមុខទំនិញចំនួន ១១ ក្នុងកិច្ចខិតខំប្រឹងប្រែង ដើម្បីបន្ធូរបន្ថយផលប៉ះពាល់នៃអតិផរណាខ្ពស់លើផលិតកម្ម និងការរស់នៅ។
អ្នកវិភាគបានជឿជាក់ថា ការដកពន្ធនាំចូលលើទំនិញ ដែលប៉ះពាល់ដល់ផលិតកម្ម និងការប្រើប្រាស់ប្រចាំថ្ងៃ គឺសំដៅទប់ស្កាត់សម្ពាធអតិផរណានៅលើទីផ្សារក្នុងស្រុកដោយទម្លាក់តម្លៃលើផ្នែកផ្គត់ផ្គង់៕