![](https://cdn.cc-times.com/kh.cc-times.com/media/2054/large/98166114_2996130993768711_6468187577743572992_o.jpg?1589605881)
ភ្នំពេញ៖នៅថ្ងៃទី១៦ ខែឧសភា ឆ្នាំ២០២០នេះថា អ្នកជំងឺកូវីដ១៩ម្នាក់ចុងក្រោយគេ ពោលគឺអ្នកជំងឺ ទី១២២ បានជាសះស្បើយ ដែលបានធ្វើឲ្យប្រទេសកម្ពុជាក្លាយជាប្រទេសគ្មានអ្នកជំងឺកូវីដ១៩ (ជាសះស្បើយ១០០ភាគរយ)។ ស្ត្រីចុងក្រោយគេដែលបានព្យាបាលជាពីជំងឺកូវីដ១៩ បានសម្តែងពីអារម្មណ៍រំភើបរីករាយគ្មានអ្វីប្រៀបផ្ទឹមនោះឡើយ។
ស្រ្តីរូបនេះ ត្រូវបានក្រុមគ្រូពេទ្យដឹកត្រឡប់ទៅស្រុកកំណើតនៅខេត្តបន្ទាយមានជ័យវិញ និងតម្រូវឱ្យនៅដាច់ដោយឡែក១៤ថ្ងៃទៀត ដើម្បីធ្វើឱ្យប្រាកដថា គាត់ជាដាច់ ហើយមិនចម្លងទៅក្រុមគ្រួសារ។
មុនចាកចេញពីមន្ទីរពេទ្យមិត្តភាពខ្មែរ-សូវៀត ស្ត្រីរូបនេះ សរសើរមិនដាច់ពីមាត់ចំពោះកិច្ចប្រឹងប្រែង និង ការយកចិត្តទុកដាក់ខ្ពស់របស់គ្រូពេទ្យ ក្នុងការជួយសង្គ្រោះជីវិតរបស់គាត់ និងបានអរគុណរាជរដ្ឋាភិបាលដែល«មើលថែគាត់យ៉ាងល្អបំផុត»។
![](https://cdn.cc-times.com/kh.cc-times.com/media/2059/large/97030422_2996131110435366_2706538809113182208_o.jpg?1589606314)
![](https://cdn.cc-times.com/kh.cc-times.com/media/2058/large/97812270_2996131143768696_3519467300954570752_o.jpg?1589606313)
![](https://cdn.cc-times.com/kh.cc-times.com/media/2060/large/98345883_2996131273768683_7539550754365767680_o.jpg?1589606314)