បច្ចុប្បន្នកម្ពុជាមាន«ពេទ្យជំនាញ​៦៧០​នាក់»​សម្រាប់​ព្យាបាល​ជំងឺកូវីដ-១៩

(ភ្នំពេញ)៖ លោក ម៉ម ប៊ុនហេង រដ្ឋមន្រ្តីក្រសួងសុខាភិបាល បានថ្លែងថា ក្រុមគ្រូពេទ្យជំនាញដែលបានធ្វើការហ្វឹកហាត់រួចរាល់សម្រាប់ព្យាបាលជំងឺកូវីដ១៩ មានចំនួន ៦៧០នាក់ ហើយសម្រាប់សម្ភារៈ ក្រសួងក៏បានត្រៀមរួចស្រេចសម្រាប់ក្រុមគ្រូពេទ្យ ដើម្បីឆ្លើយតបទៅនឹងស្ថានការណ៍នេះផងដែរ។ ការថ្លែងនេះធ្វើឡើងនៅក្នុង សន្និសីទសារព័ត៌មានទាក់ទងការវិវត្តន៍វីរុស COVID-19 នៅទីស្តីការក្រសួងសុខាភិបាល។

បើតាមលោករដ្ឋមន្រ្តីក្រសួងសុខាភិបាល នៅពេលខាងមុនក្រសួងសុខាភិបាលនឹងបណ្តោះបណ្តាលពេទ្យជំនាញបន្ថែមទៀត តាមតែអាចធ្វើទៅបាន។