Cct850x100 1

វ៉ាក់សាំងស៊ីណូហ្វាម ១លានដូស បានមកដល់កម្ពុជាហើយ

ព័ត៌មានជាតិ
/
អ្នកយកព័ត៌មាន:
សុវណ្ណ ស្រីពេជ្រ
/


វ៉ាក់សាំងស៊ីណូហ្វាម ដឹកតាមយន្តហោះបានមកដល់កម្ពុជានាព្រឹកនេះ។
រូបភាព៖ សំ សាម៉ន 

ភ្នំពេញ៖ វ៉ាក់សំាងស៊ីណូហ្វាមចំនួន១លានដូសទៀតដែលកម្ពុជាបញ្ជាទិញពីភាគីចិន បានមកដល់នៅកម្ពុជា នៅថ្ងៃទី ២២ ខែកក្កដានេះ។ចំនួននេះនឹងធ្វើឱ្យចំនួនវ៉ាក់សាំងចិនដែលកម្ពុជាមាន សរុប១៦.៧លានដូស។

គិតត្រឹមថ្ងៃទី២២ កក្កដានេះ កម្ពុជាទទួលវ៉ាក់សាំងបង្ការជំងឺកូវីដពីភាគីចិន ទាំងស៊ីណូវ៉ាក់ និងស៊ីណូហ្វាម ចំនួនសរុប ១៥.៧លានដូសហើយ ខណៈដែលកម្ពុជាមានគោលដៅចាក់ជូនពលរដ្ឋ ឲ្យបានយ៉ាងតិច ១០លាននាក់ ឬ ត្រូវការប្រមាណ២០លានដូសនោះ។

បើតាមក្រសួងសុខាភិបាល បើរាប់បញ្ចូលវ៉ាក់សំាង១លានដូស ដែលកម្ពុជានឹងទទួលនៅថ្ងៃនេះ កម្ពុជានឹងទទួលបាន សរុប១៦.៧លានដូស ពីភាគីចិន។

ក្នុងចំណោមវ៉ាក់សាំងបញ្ជូនមក នាពេលកន្លងមក មាន២.២លានដូស គឺជាជំនួយឥតសំណង ហើយថ្មីៗនេះ ភាគីចិនអះអាងថា នឹងបញ្ជូនជំនួយឥតសំណង ១លានដូសទៀតមកដល់កម្ពុជា នាចុងខែកក្កដានេះ៕

Khcct banner

អត្ថបទទាក់ទង