Website cc time banner  05012024 (1)
Img 0571

វ៉ាក់សាំងស៊ីណូហ្វាម ១លានដូសទៀតនឹងមកដល់កម្ពុជានៅស្អែកនេះ

ព័ត៌មានជាតិ
/
អ្នកយកព័ត៌មាន:
សុវណ្ណ ស្រីពេជ្រ
/


លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាលនៃកម្ពុជា។ 
រូបភាព៖ សំ សាម៉ន 

ភ្នំពេញ៖ វ៉ាក់សំាងស៊ីណូហ្វាមចំនួន១លានដូសទៀតដែលកម្ពុជាបញ្ជាទិញពីភាគីចិន នឹងមកដល់នៅកម្ពុជា នៅថ្ងៃទី ២២ ខែកក្កដាស្អែកនេះ។ចំនួននេះនឹងធ្វើឱ្យចំនួនវ៉ាក់សាំងចិនដែលកម្ពុជាមាន សរុប១៦.៧លានដូស។

គិតត្រឹមថ្ងៃទី២១ កក្កដានេះ កម្ពុជាទទួលវ៉ាក់សាំងបង្ការជំងឺកូវីដពីភាគីចិន ទាំងស៊ីណូវ៉ាក់ និងស៊ីណូហ្វាម ចំនួនសរុប ១៥.៧លានដូសហើយ ខណៈដែលកម្ពុជាមានគោលដៅចាក់ជូនពលរដ្ឋ ឲ្យបានយ៉ាងតិច ១០លាននាក់ ឬ ត្រូវការប្រមាណ២០លានដូសនោះ។

បើតាមក្រសួងសុខាភិបាល បើរាប់បញ្ចូលវ៉ាក់សំាង១លានដូស ដែលកម្ពុជានឹងទទួលនៅថ្ងៃស្អែកនេះ កម្ពុជានឹងទទួលបាន សរុប១៦.៧លានដូស ពីភាគីចិន។

ក្នុងចំណោមវ៉ាក់សាំងបញ្ជូនមក នាពេលកន្លងមក មាន២.២លានដូស គឺជាជំនួយឥតសំណង ហើយថ្មីៗនេះ ភាគីចិនអះអាងថា នឹងបញ្ជូនជំនួយឥតសំណង ១លានដូសទៀតមកដល់កម្ពុជា នាចុងខែកក្កដានេះ៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង