Yearendyearend1140x150

ទូតវៀតណាមអរគុណថ្នាក់ដឹកនាំនិងប្រជាជនកម្ពុជាសហការក្នុងបេសកកម្មការទូត

នយោបាយ
/
អ្នកយកព័ត៌មាន:
ឃុន សម្ផស្ស
/

ភ្នំពេញ៖ ក្នុងឱកាសដែលឯកឧត្តម Vu Quang Minh បានបញ្ចប់បេសកកម្មការទូតនៅព្រះរាជាណាចក្រកម្ពុជា។ ឯកឧត្តម Vu បានគោរពថ្លែងអំណរគុណជូនចំពោះសម្តេច ហ៊ុន សែន និងថ្នាក់ដឹកនាំកម្ពុជាគ្រប់លំដាប់ថ្នាក់ ក៏ដូចជាប្រជាជនកម្ពុជា ដែលបានចូលរួមចំណែកជួយសហការជាមួយឯកឧត្តមធ្វើឲ្យបេសកកម្មការទូតរបស់ឯកឧត្តមទទួលជោគជ័យ។

ក្នុងជំនួបកិច្ចសហប្រតិបត្តិការរវាងសម្តេច​ ហ៊ុន​ សែន​ នាយករដ្ឋមន្ត្រីនៃកម្ពុជា ជាមួយឯកឧត្តម Vu Quang Minh ឯកអគ្គរដ្ឋទូតវៀតណាមប្រចាំនៅកម្ពុជា។ ឯកឧត្តម​បានជម្រាបជូនសម្តេច​ ហ៊ុន​ សែន ថាឯកឧត្តមពិតជាមានកិត្តិយសណាស់ដែលបានមកបំពេញបេសកកម្មការទូតនៅប្រទេសកម្ពុជា។ ក្នុងរយៈពេល៣ឆ្នាំ៧ខែកន្លងមក​ ឯកឧត្តមសង្គេតឃើញថា ទំនាក់ទំនងរវាងប្រទេសទាំងពីរគឺមានភាពរឹងមាំ និងមានការីកចម្រើន។

ឯកឧត្តម​ Vu Quang Minh បានបន្តថា ដោយឡែកវិស័យវិនិយោគ​ ពាណិជ្ជកម្ម ក៏មានការកើនឡើងផងដែរ។ ឯកឧត្តម Vu បានមានប្រសាសន៍ថានេះជាជំនោគជ័យ ជាសុភមង្គលនៃទំនាក់ទំនងការទូត។ ឆ្លៀតឱកាសនេះ ឯកឧត្តម Vu បានគោរពថ្លែងអំណរគុណជូនចំពោះសម្តេច ហ៊ុន សែន ថ្នាក់ដឹកនាំកម្ពុជាគ្រប់លំដាប់ថ្នាក់ ក៏ដូចជាប្រជាជនកម្ពុជាផងដែរ បានចូលរួមចំណែកជួយសហការជាមួយឯកឧត្តមធ្វើឲ្យបេសកកម្មការទូតរបស់ឯកឧត្តមទទួលជោគជ័យ។

ជាការឆ្លើយតប​សម្តេចនាយករដ្ឋមន្ត្រី ហ៊ុន​ សែន បានយល់ស្របជាមួយអ្វីដែលឯកឧត្តម Vu Quang Minh បានលើកឡើង ហើយបានថ្លែងអំណរគុណជូនឯកឧត្តម Vu ដែលបានប្រឹងប្រែងអស់ពីកម្លាំងកាយចិត្តក្នុងការបំពេញបេសកកម្មការទូតនៅព្រះរាជាណាចក្រកម្ពុជា ធ្វើឲ្យទំនាក់ទំនងរវាងប្រទេសទាំងពីរមានការរីកចម្រើននិងកាន់តែរឹងមាំ។

ទន្ទឹមនេះ សម្តេចបានជម្រាបជូនឯកឧត្តម Vu ថា នាកាលៈទេសៈនេះ អ្វីដែលគប្បីធ្វើគឺទី១ រួមគ្នាគ្រប់គ្រងប្រយុទ្ធប្រឆាំងកូវីដ១៩ តាមរយៈវិធានសុខាភិបាល ប៉ុន្តែធ្វើយ៉ាងណាកុំរារាំងដំណើរការពាណិជ្ជកម្មធម្មតា, ទី២គឺបន្តជំរុញកិច្ចសហប្រតិបត្តិការលើវិស័យសេដ្ឋកិច្ច​ ពាណិជ្ជកម្ម វិនិយោគ, ទី៣គឺពិនិត្យមើលវិស័យដទៃទៀតដែលប្រទេសទាំងពីរអាចជំរុញធ្វើការរួមគ្នាបាន និងជាទីបញ្ចប់សម្តេចបានជូនពរឯកឧត្តម Vu ឲ្យជោគជ័យជាបន្តបន្ទាប់ទៀតក្នុងបេសកកម្មរបស់ឯកឧត្តមនាថ្ងៃអនាគត៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង