ខេត្តមណ្ឌលគិរី៖ រដ្ឋបាលខេត្តមណ្ឌលគិរី បានរកឃើញករណីវិជ្ជមានជំងឺកូវីដ-១៩ ចំនួន ១១នាក់បន្ថែមទៀត នៅថ្ងៃទី ១៣ ខែមិថុនា ឆ្នាំ២០២១ ពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈ។
នៅថ្ងៃទី១៣ ខែមិថុនា ឆ្នាំ២០២១ ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តមណ្ឌលគិរី បានបង្ហាញពីអត្តសញ្ញាណអ្នកជំងឺកូវីដទាំង ១១នាក់ដូចតទៅ៖
រដ្ឋបាលខេត្តមណ្ឌលគិរី បានឱ្យដឹងថា បច្ចុប្បន្ន អ្នកវិជ្ជមានជំងឺកូវីដ-១៩ ខាងលើ ជាករណីឆ្លងក្នុងសហគមន៍ ដែលត្រូវបានដាក់ឱ្យសម្រាកព្យាបាលនៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុករៀងខ្លួននីមួយៗ ដោយអំពាវនាវដល់ពលរដ្ឋជាអ្នកដែលបានប្រាស្រ័យទាក់ទង ប៉ះពាល់ដោយផ្ទាល់ ឬប្រយោលជាមួយបុគ្គលវិជ្ជមានកូវីដ-១៩ ខាងលើ ឱ្យដាក់ខ្លួនដាច់ដោយឡែក ហើយតាមដានសុខភាពរយៈពេល ១៤ថ្ងៃ និងរាយការណ៍មកអាជ្ញាធរដើម្បីយកសំណាក និងធ្វើចត្តាឡីស័ក (៣ការពារ ៣កុំ)។
រដ្ឋបាលខេត្តមណ្ឌលគិរី សូមអំពាវនាវដល់អ្នកដែលមានការពាក់ព័ន្ធជាមួយនឹងបុគ្គលខាងលើ សូមមេត្តា រួសរាន់ទៅជួបគ្រូពេទ្យនៅមណ្ឌលសុខភាព ឬមន្ទីរពេទ្យដែលនៅជិតលោកអ្នកបំផុត ដើម្បីយកសំណាកធ្វើតេស្តី រកមេរោគកវីដ-១៩ ទាន់ពេលវេលា និងសូមបងប្អូនប្រជាពលរដ្ឋ និងសាធារណជនទាំងអស់ចូលរួមអនុវត្តនូវវិធានការ ៣ការពារ ៣កុំ របស់រាជរដ្ឋាភិបាល និងវិធានរបស់ក្រសួងសុខាភិបាល ដើម្បីបង្ការ និងទប់ស្កាត់ការឆ្លងរាលដាល ជម្ងឺកូវី-១៩ ចូលក្នុងសហគមន៍ និងដើម្បីសុវត្ថិភាពយើងទាំងអស់គ្នា។
សូមបញ្ជាក់ថា រហូតមកដល់ថ្ងៃទី១៣ ខែមិថុនា ឆ្នាំ២០២១ នេះ នៅខេត្តមណ្ឌលគិរី បានរកឃើញអ្នកវិជ្ជមានកូវីដ-១៩ សរុបចំនួន ១៦នាក់ ក្នុងនោះបានព្យាបាលជាសះស្បើយចំនួន ០៣នាក់, ស្លាប់ ០១នាក់ និងកំពុងព្យាបាលចំនួន ១២នាក់៕
