ខេត្តកំពត៖ រដ្ឋបាលខេត្តកំពត នៅថ្ងៃទី១៣ ខែមិថុនា ឆ្នាំ២០២១ បានប្រកាសនូវសេចក្តីជូនដំណឹងស្តីពីករណីវិជ្ជមានកូវីដ-១៩ ចំនួន ៥៥ករណី ក្នុងខេត្តកំពត ក្នុងនោះមានកុមារ ទារក មេផ្ទះ ពលករ មន្រ្តី កសិករ ជាដើម។
ដោយយោងតាមលទ្ធផលនៃការវិភាគវត្ថុសំណាករកមេរោគកូវីដ-១៩ និងសេចក្តីប្រកាសព័ត៌មានរបស់ក្រសួងសុខាភិបាល នៅនៅថ្ងៃទី១៣ ខែមិថុនា ឆ្នាំ២០២១ បានរកឃើញអ្នកជំងឺកូវីដ-១៩ ថ្មី ចំនួន ៥៥នាក់ ត្រូវបានដាក់ឲ្យសំរាកព្យាបាល ហើយបច្ចុប្បន្នក្រុមឆ្លើយតបបន្ទាន់ បាន និងកំពុងស្រាវជ្រាវរកទីតាំង និងកំណត់មុខសញ្ញាអ្នក ដែលពាក់ព័ន្ធក្នុងករណីនេះ ជាបន្តទៀត។
សូមបញ្ជាក់ថា គិតដល់ពេលនេះ នៅខេត្តកំពត មានអ្នកឆ្លងកូវីដសរុបចំនួន ៧៩២នាក់ , អ្នកជាសះស្បើយពីកូវីដសរុបចំនួន ២៨០នាក់ , ស្លាប់ ០៥នាក់ និងអ្នកជំងឺកំពុងសម្រាកព្យាបាលនៅមន្ទីរពេទ្យ សរុបចំនួន ៥០៧នាក់៕
ក្នុងន័យនេះ រដ្ឋបាលខេត្តកំពត បានធ្វើការអំពាវនាវដល់ប្រជាពលរដ្ឋដែលពាក់ព័ន្ធនឹងឈ្មោះខាងលើ សូមធ្វើចត្តាឡីស័ក តាមការណែនាំរបស់ក្រសួងសុខាភិបាល បើសិនមានបញ្ហាសុខភាព សូមអញ្ជើញមកយកសំណាកនៅសាលាវិទ្យាល័យព្រះបិតាជាតិ ឬមន្ទីរពេទ្យបង្អែក ដែលនៅ ជិតលោកអ្នក ឬទំនាក់ទំនងមកទូរស័ព្ទលេខ ០៦១ ៨៦៧ ៧៧៦, ០៩៧ ៥៣៩ ៩៩៤៨, ០១២ ៧៣៣៤៦៨ (ស្រុកប្រតិបត្តិកំពង់ត្រាច), ០១២ ២០០ ៤១២, ០៩៩ ៧៨៦៥២៧ (ស្រុកប្រតិបត្តិឈូក), ០១២ ៤៨៣ ៣៥៨ , ០៨៨ ២២០១៥៦៧ (ស្រុកប្រតិបត្តិអង្គរជ័យ), ០១២ ២៤០១៧១, ០១២ ៤៥៦៩៩០ (ស្រុកប្រតិបត្តិកំពត), ០៧៧ ៧៣០៨៣៧ (មន្ទីរពេទ្យបង្អែកខេត្ត) និង ០១២ ៨២២ ១៧៩, ០៧៨ ២៤៨៩៩៨ (មន្ទីរសុខាភិបាល)។
រដ្ឋបាលខេត្តកំពត សង្ឃឹមយ៉ាងមុតមាំថា បងប្អូនប្រជាពលរដ្ឋចូលរួមអនុវត្តតាមសេចក្តីជូនដំណឹងនេះ ឲ្យមាន ប្រសិទ្ធភាពខ្ពស់ និងសូមបង្កើនការប្រុងប្រយ័ត្នខ្ពស់ក្នុងការចូលរួមអនុវត្តឲ្យបានខ្ជាប់ខ្ជួននូវវិធានការ ៣កុំ ៣ការពារ ។ ដោយឡែកចំពោះអ្នកពាក់ព័ន្ធដោយផ្ទាល់ និងដោយប្រយោលជាមួយអ្នកវិជ្ជមានកូវីដ-១៩ខាងលើ ត្រូវតែអនុវត្តឲ្យបានម៉ឺងម៉ាត់តាមសេចក្តីណែនាំរបស់រាជរដ្ឋាភិបាល និងវិធានការការពាររបស់ក្រសួងសុខាភិបាល ប្រកបដោយស្មារតី ទទួលខុសត្រូវខ្ពស់ ដើម្បីក្រុមគ្រួសារ និងសហគមន៍យើងជៀសផុតពីជំងឺកូវីដនេះ៕
