កណ្តាល៖ប្រជាការពារ ០២នាក់ និងប្រជាពលរដ្ឋ ០២នាក់ ត្រូវបានសមត្ថកិច្ចបានធ្វេីការណែនាំ អប់រំ ដល់ពួកគាត់ បន្ទាប់ពី«ជុំគ្នាផឹកស៊ី»ខណៈតួនាទីជាអ្នកយាមផ្ទះធ្វេីចត្តាឡីស័ក។ការអប់រំណែនាំនេះ គឺបន្ទាប់ពីប្រជាពលរដ្ឋនៅតំបន់នេះផ្ញើសាររាយការណ៍ជូនសមត្ថកិច្ច។
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល សូមធ្វេីការឆ្លើយតបជូនប្រជាពលរដ្ឋ សុំមិនបញ្ចេញឈ្មោះ ដែលបានផ្ញេីសាររាយការណ៍ក្នុងផេកស្នងការដ្ឋាននគរបាលខេត្តកណ្ដាល មានខ្លឹមសារថា៖ "ជំរាបសួរបង ខ្ញុំឆ្ងល់ថាប្រជាការពារយាមតាមផ្ទះធ្វេីចត្តាឡីស័ក តេីគាត់មកតាម ឬគាត់មកផឹកសុី? ហេីយការផឹកសុីក៏មានការចូលរួមពីប្រជាជនក្បែរនោះផងដែរ។នៅឃុំជ្រៃលាស់ ស្រុកពញាឮ នៅតែមានការជួបជុំផឹកសុីធម្មតា"។
បន្ទាប់ពីទទួលបានព័ត៌មានខាងលេី ដោយមានការចង្អុលបង្ហាញពីក្រុមការងារប្រតិកម្មរហ័សខេត្ត លោកវរសេនីយ៍ឯក ដួង តេង អធិការនគរបាលស្រុកពញាឮ បានបញ្ជាឱ្យកម្លាំងប៉ុស្ដិ៍នគរបាលរដ្ឋបាលជ្រៃលាស់ ចុះស្រាវជ្រាវករណីខាងលេី។
ជាលទ្ធផល៖
នៅថ្ងៃទី០៨ ខែមេសា ឆ្នាំ២០២១ វេលាម៉ោង ១០និង១៥នាទី កម្លាំងនគរបាលប៉ុស្ដិ៍រដ្ឋបាលជ្រៃលាស់ បានចុះទៅដល់ទីតាំងដែលប្រជាពលរដ្ឋបានរាយការណ៍ ស្ថិតក្នុងភូមិត្រពាំងវាល ឃុំជ្រៃលាស់ ស្រុកពញាឮ រកឃេីញអ្នកពាក់ព័ន្ធជួបជុំផឹកសុីចំនួន ៤នាក់ (ប្រជាការពារ ០២នាក់ និងប្រជាពលរដ្ឋ ០២នាក់) ។ បន្ទាប់មកសមត្ថកិច្ចបានធ្វេីការណែនាំ អប់រំ ដល់ពួកគាត់មិនឱ្យមានការជួបជុំប្រមូលផ្ដុំគ្នាតទៅទៀត ដោយត្រូវអនុវត្តតាមការណែនាំរបស់ក្រសួងសុខាភិបាល ដើម្បីទប់ស្កាត់ការរីករាលដាលជំងឺកូវីដ-១៩។
.JPG?1634100985)
