Yearendyearend1140x150

ត្បិតកម្ពុជារងវិបត្តិកូវីដ តែវិស័យឧស្សាហកម្ម និងសិប្បកម្មនៅតែដើរទៅមុខ

សេដ្ឋកិច្ច
/
អ្នកយកព័ត៌មាន:
សុវណ្ណ ស្រីពេជ្រ
/
កម្មការនីរោងចក្រកាត់ដេរមួយកន្លែង (រូបតំណាង) 

ភ្នំពេញ៖ ទោះបីកម្ពុជាបាននិងកំពុងរងផលប៉ះពាល់ធ្ងន់ធ្ងរពីជំងឺឆ្លង កូវីដ-១៩មែនពិត តែងាកមកមើលវិស័យឧស្សាហកម្ម និងសិប្បកម្មបានរីកលូតលាស់ជាបន្តបន្ទាប់ ខណៈវិស័យទេចរណ៍មានការធ្លាក់ចុះ។

យោងតាមខ្លឹមសាររបស់សម្ដេចហ៊ុន សែន បានបញ្ជាក់ថា រហូតមកដល់បច្ចុប្បន្ន ទោះបីព្រះរាជាណាចក្រកម្ពុជាបាននិងកំពុងរងផលប៉ះពាល់ធ្ងន់ធ្ងរពីជំងឺឆ្លង កូវីដ-១៩ក្តី ក៏វិស័យឧស្សាហកម្មនិងសិប្បកម្មបានរីកលូតលាស់ជាបន្តបន្ទាប់ តែចំពោះវិស័យទេសចរណ៍មានការធ្លាក់ចុះយ៉ាងគំហុករហូតដល់៨០,២០%។

ក្នុងសារលិខិតបានឱ្យដឹងថា កម្ពុជាមានរោងចក្រសរុបមានចំនួន ជាង១ ៨៦៤រោងចក្រ ដែលភាគច្រើនជារោងចក្រកាត់ដេរសម្លៀកបំពាក់ ស្បែកជើង និងមានឧស្សាហកម្ម ធុនតូច មធ្យម និងសិប្បកម្មជាង៤៣ ០៨២មូលដ្ឋាន ហើយដែលបានស្រូបកម្លាំងពលករសរុបប្រមាណ ជាង១,៥លាននាក់។

ចំណែកភ្ញៀវទេសចរអន្តរជាតិចូលមកកម្ពុជា មានចំនួនប្រមាណ១,៣១លាននាក់ ថយចុះ ប្រមាណ៨០,២០% និងភ្ញៀវទេសចរជាតិមានចំនួនប្រមាណ៧,២៣លាននាក់ ថយចុះប្រមាណ៣៦,១០% បើធៀបនឹងឆ្នាំ២០១៩។ ចំណូលពីវិស័យទេសចរណ៍បានប្រមាណ១,០២៣លានដុល្លារអាម៉េរិក ថយចុះ ៧៩,២០% ហើយចំណូលពីការលក់បណ្ណចូលទស្សនារមណីយដ្ឋានអង្គរទទួលបានប្រមាណជាង១៨លាន ដុល្លារអាម៉េរិក និងមានភ្ញៀវទេសចរអន្តរជាតិចូលទស្សនាប្រមាណជាង៤០ម៉ឺននាក់។

ចំពោះកម្មករ និយោជិតក្នុងវិស័យវាយនភណ្ឌកាត់ដេរ និងវិស័យទេសចរណ៍ដែលព្យ ការងារកំពុងទទួលបាននូវប្រាក់ឧបត្ថម្ភពីរាជរដ្ឋាភិបាល៤០ដុល្លារអាម៉េរិក ក្នុងមួយខែ ដើម្បីជួយធ្វើឱ្យពលរដ្ឋមានលំនឹងជីវិតនិងអាចលើកកម្ពស់ជំនាញ និងបង្កើនផលិតភាពការងាររបស់ខ្លួនតាមរយៈការ បណ្តុះបណ្តាលជំនាញរយៈពេលខ្លី។

ក្រឡេកមកមើលវិស័យសំណង់ កម្ពុជាបាននិងកំពុងរីកលូតលាស់ ដោយមានអគារខ្ពស់ៗប្រមាណជាង២ ១៨០អគារ ចាប់ ពី៥ជាន់ ទៅ៤០ជាន់ឡើង ក្នុងរាជធានីភ្នំពេញ ខេត្តព្រះសីហនុ និងនៅតាមបណ្តាខេត្តមួយចំនួន។

កន្លងទៅនេះ ដោយសារអាកាសធាតុមានលក្ខណៈអំណោយផល ល្អសម្រាប់ការបង្កបង្កើនផលដំណាំស្រូវនៅទូទាំងប្រទេស បានធ្វើឱ្យបរិមាណផលិតផល ស្រូវរដូវវស្សានិងស្រូវរដូវប្រាំងសម្រេចបានប្រមាណជាង ១០,៩៣លានតោន គឺប្រហាក់ប្រហែលនឹង ឆ្នាំ២០១៩ ដែលតាមការប៉ាន់ស្មាន កម្ពុជាមានអតិរេកស្រូវជាង៥,៩២លានតោន គិតជាអង្ករស្មើនឹង៣,៧៩ លានតោន សម្រាប់បម្រើឱ្យការនាំចេញ។ រីឯការនាំចេញអង្ករទៅទីផ្សារបរទេសបានជាង៦៩ម៉ឺនតោន ទៅ កាន់ទិសដៅ ៦០ប្រទេស៕ 

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង