បិទ៥ទីតាំងក្នុងខេត្តកោះកុង បន្ទាប់ពីរកឃើញពាក់ព័ន្ធកូវីដ

កោះកុង៖យ៉ាងហោចណាស់ទីតាំងចំនួន ៥នៅក្រុងខេមរភូមិ ខេត្តកោះកុង ត្រូវបានអាជ្ញាធរខេត្តកោះកុងសម្រេចបិទជាបណ្តោះអាសន្ន បន្ទាប់ពីរកឃើញថាមានអ្នកផ្ទុកវីរុសកូវីដ១៩ចំនួន២នាក់ ដោយកំពុងតាមរកមនុស្ស១៧នាក់ផ្សេងទៀតដែលពាក់ព័ន្ឋផ្ទាល់ក្នុងកម្មវិធីមង្គលការមួយកាលថ្ងៃទី៨ មីនា។

យោងតាមរបាយការណ៍ពីអាជ្ញាធរខេត្តកោះកុង ទីតាំងចំនួន៥នោះ រួមមាន កាហ្វេនិងទីម័រ កន្លែងទទួលរៀបចំកម្មវិធីរបស់អៀង អាយ សណ្ឋាគារ ថាន់ តាយ ទីតាំងលក់ចំណីអាហារសមុទ្រទល់មុខមន្ទីរសេដ្ឋកិច្ចខេត្ត និង ហាងបាយក្បែរការាស់សាំងTotal។