ជនជាតិចិនកំពុងធ្វើចត្តាឡីស័កម្នាក់ក្នុងខេត្តព្រះសីហនុស្លាប់

ភ្នំពេញ៖បុរសជនជាតិចិនម្នាក់ បានទទួលមរណភាពនៅមន្ទីរពេទ្យបង្អែកខេត្តព្រះសីហនុ។ជនជាតិចិនម្នាក់មានអាយុ២៧ ឆ្នាំ បានស្នាក់នៅ និង ធ្វើចត្តាឡីស័កនៅបន្ទប់លេខ ៩១៨ ក្នុងអគារស្នាក់នៅរួមរបស់បុគ្គលិកកាស៊ីណូមួយកន្លែងក្នុងខេត្តព្រះសីហនុ។តាមការវាយតម្លៃបឋមជនជាតិចិនម្នាក់នេះអាចស្លាប់ដោយសារជំងឺរលាកលំពែង និងសួតព្រមទាំងឡើងជាតិស្ករខ្លាំង។

បច្ចុប្បន្នសាកសពតម្កល់ទុកនៅមន្ទីរពេទ្យបង្អែកខេត្តព្រះសីហនុ និងបានយកសំណាកទៅធ្វើវិភាគនៅវិទ្យាស្ថានប៉ាស្ទ័រកម្ពុជាដើម្បីបន្តនីតិវិធី។