ស្រ្តីម្នាក់វិជ្ជមានកូវីដធ្លាប់យកសម្លៀកបំពាក់ទៅលក់ក្នុង«ផ្សារបាត់ដឹង»កំពង់ស្ពឺ

កំពង់ស្ពឺ៖ស្រ្តីអាជីវកដែលមានវិជ្ជមានកូវីដ-១៩ម្នាក់ កាលពីថ្ងៃទី ៦ មីនា ធ្លាប់បានយកសម្លៀកបំពាក់មកលក់ក្នុងផ្សារបាត់ដឹង ខេត្តកំពង់ស្ពឺ។បច្ចុប្បន្នស្ត្រីរូបនេះ ត្រូវបានក្រសួងសុខាភិបាលដាក់សម្រាកឱ្យព្យាបាលជំងឺនៅនៅសណ្ឋាគារ Great Duke ក្នុងរាជធានីភ្នំពេញ។

យោងតាមសេចក្តីជូនដំណឹងរបស់រដ្ឋបាលខេត្តកំពង់ស្ពឺបានឱ្យដឹងថា គិតត្រឹមថ្ងៃទី ៩ មីនានេះ អាជ្ញាធរខេត្តកំពង់ស្ពឺបានស្វែងរកអ្នកពាក់ព័ន្ធចំនួន២៥នាក់ និងបានបិទតួបលក់ដូរសម្លៀកបំពាក់ក្នុងផ្សារបាត់ដឹងចំនួន១២តូបជាបណ្តោះអាសន្ន។