សម្តេចហ៊ុន សែនសុំអង្វរពលរដ្ឋនៅភ្នំពេញ និងខេត្តកណ្ដាលបើមិនចាំបាច់កុំចេញក្រៅ

ភ្នំពេញ៖សម្តេច ហ៊ុន សែន នាយករដ្ឋមន្ត្រីនៃកម្ពុជា តាមរយៈសារសំឡេងបន្ទាន់ នៅល្ងាចថ្ងៃទី ២២ កុម្ភៈនេះ សុំអង្វរករបងប្អូនប្រជាពលរដ្ឋ នៅក្នុងទីក្រុងភ្នំពេញ និងខេត្តកណ្ដាល ប្រសិនបើគ្មានការចាំបាច់ទេ សូមមេត្តាកុំចេញទៅខាងក្រៅ ដើម្បីជៀសវាងនូវការឆ្លងរីករាលដាលជំងឺកូវីដ-១៩។

ការអង្វរកររបស់សម្តេចនេះ គឺបន្ទាប់ពីសម្តេចមើលមិនឃើញ ពីស្ថានភាពកូវីដនៅកម្ពុជាព្រោះអាចនិយាយបានថា ពេលនេះលំបាកជាង ព្រឹត្តិការណ៍ ៣ វិច្ឆិកា និងព្រឹត្តិការណ៍ ២៨ វិច្ឆិកា ទៅទៀត ព្រោះឃើញពន្លឺខ្លះ ប៉ុន្តែនៅទីងងឹតក៏នៅមានច្រើន ហើយក្រសួងមិនទាន់អាចរកឃើញ ។

ចំណែកតាមស្ថាប័ន ការបើកអង្គប្រជុំ ពន្យាបានគឺត្រូវពន្យា ពន្យាមិនបាន ក៏អាចធ្វើតាមអនឡាញ ហើយកម្មវិធី ដែលសម្តេចតេជោ គ្រោងនឹងទៅ ក៏ពិចារណាលុបផងដែរ។