ការរកឃើញថ្មីនៃប្រភពវីរុសកូវីដ-១៩ នៅអ៊ីតាលី

អ៊ីតាលី៖ សំណាកដែលប្រមូលពីខ្លួនក្មេងប្រុសអ៊ីតាលីម្នាក់ ត្រូវបានរកឃើញនូវប្រភេទវីរុសកូវីដ -១៩ ដូចប្រភេទវីរុសដំបូងនៃក្រុងវូហាន។

កាសែត« South China Morning Post »នៃតំបន់ហុងកុងបានចុះផ្សាយដំណឹងកាលពីពេលថ្មីៗនេះឱ្យដឹងថា អ្នកវិទ្យាសាស្ត្រអ៊ីតាលីបានបញ្ជាក់ថា សំណាកវីរុសកូវីដ -១៩ ដែលប្រមូលបានពីខ្លួនក្មេងប្រុសម្នាក់នៅចុងឆ្នាំ២០១៩ គឺដូចគ្នានឹងប្រភេទវីរុសកូវីដ ១៩ នៃក្រុងវូហាន ។

អ្នកស្រាវជ្រាវពាក់ព័ន្ធបានបញ្ជាក់ថា សំណាកនេះគឺប្រមូលបានពីខ្លួនរបស់ក្មេងប្រុសម្នាក់ដែលកាលដំបូងត្រូវធ្វើរោគវិនិច្ឆ័យថាកើតជំងឺកញ្ជ្រិលនៅក្រុងមីឡានកាលពីថ្ងៃទី ៥ ខែធ្នូ ឆ្នាំ២០១៩ ។

អ្នកវិទ្យាសាស្ត្រនៃក្រុមសិក្សាស្រាវជ្រាវនេះបានបញ្ជាក់ថា ភស្តុតាងទាំងនេះនឹងអាចបង្ហាញថា ពេលវេលានៃការផ្ទុះការរីករាលដាលនៃជំងឺកូវីដ ១៩ អាចចាប់ផ្តើមពីចុងរដូវស្លឹកឈើជ្រុះ ឆ្នាំ២០១៩ ។អត្ថបទ៖ Cri ccfr