ខេត្តកំពង់ស្ពឺនឹងមានរោងចក្រមួយទៀតដែលអាចបង្កើតការងារជូនពលរដ្ឋបានជាង១ពាន់នាក់

ភ្នំពេញ៖ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញ “វិញ្ញាបនបត្រចុះបញ្ជីជាស្ថាពរ” ជូនដល់ក្រុមហ៊ុន “TEXSSEL (CAMBODIA) CO., LTD.” ដែលវិនិយោគលើគម្រោងបង្កើតរោងចក្រកាត់ដេរ និងចាក់សម្លៀកបំពាក់ កន្សែងបង់ក មួក ស្រោមដៃ ស្រោមជើង ភួយ បូគ្រប់ប្រភេទ និងវាយនភណ្ឌបម្រើក្នុងផ្ទះ។

រោងចក្រកាត់ដេរថ្មីនេះ នឹងវិនិយោគស្ថិតនៅភូមិសេរីភត្ត ឃុំពោធិ៍អង្គ្រង ស្រុកបរសេដ្ឋ ខេត្តកំពង់ស្ពឺ។រោងចក្រកាត់ដេរនេះ មានទុនវិនិយោគប្រមាណ ២,៥លានដុល្លារអាមេរិក និង អាចបង្កើតការងារបានចំនួន ១.០៣៤កន្លែង។