សម្តេច ហ៊ុន សែន៖ “ធ្វើមេដឹកនាំពូកែពេក ធ្វើឱ្យជំនួយការល្ងង់ និងខ្ជិល”

ភ្នំពេញ៖ សម្តេចនាយករដ្ឋមន្ត្រី ហ៊ុន សែន បានចែករំលែកនូវបទពិសោធន៍ពាក់ព័ន្ធនឹងការងាររបស់មេដឹកនាំ។សម្រាប់សម្តេច ធ្វើមេដឹកនាំគេបើខ្លួនឯងខិតខំខ្លាំងពូកែ ធ្វើឱ្យជំនួយការល្ងង់ និង ខ្ជិល។ ប៉ុន្តែនៅពេលដែលមេដឹកនាំធ្វើល្ងង់ខ្តោបការងារមិនបានអាណឹងវាទៅទាំង ប៉ីទាំង ទ្រស្គរ គឺទាំងអស់ ដែលសម្តេចចង់សំដៅលើការងារ។

ការថ្លែងរបស់សម្តេចនេះ ធ្វើឡើងបន្ទាប់ពីសម្តេចសួរជំនួយការរបស់សម្តេចអំពីថ្ងៃដែលសម្តេចធ្វើសន្និសិទសារព័ត៌មានអំពីជំងឺរលាកផ្លូវដង្ហើមថ្មីកូរ៉ូណា (Coronavirus)នៅវិមានសន្តិភាព កាលពីព្រឹកថ្ងៃទី ៣០ មករា ២០២០។

សូមជម្រាប់ថា ការថ្លែងរបស់សម្តេចនាយករដ្ឋមន្ត្រីហ៊ុន សែន ធ្វើឡើងក្នុងពេលសម្តេចអញ្ជើញផ្តល់កិត្តិយសប្រគល់សញ្ញាបត្រជូននិស្សិតអាស៊ីអឺរ៉ុបជាង១ពាន់នាក់នៅថ្ងៃទី២ មីនា ឆ្នាំ២០២០នេះ។