Yearendyearend1140x150
Img 0571

ពលរដ្ឋស្លាប់ដោយជំនន់ទឹកភ្លៀងកើនដល់៤៤នាក់ គិតត្រឹមថ្ងៃទី២៧តុលា

សង្គម
/
អ្នកយកព័ត៌មាន:
ឃុន សម្ផស្ស
/

ភ្នំពេញ៖ គិតមកដល់ថ្ងៃទី២៧ ខែតុលា មានអ្នកស្លាប់ដោយ«ជំនន់ទឹកភ្លៀង»កើនដល់៤៤នាក់ បង្កផលប៉ះពាល់ដល់ប្រជាពលរដ្ឋប្រមាណជិត៦០ម៉ឺននាក់ ប៉ះពាល់ផ្ទះរបស់ប្រជាពលរដ្ឋចំនួនជាង១៣ម៉ឺនខ្នង សាលារៀនចំនួន៩៥១ វត្ត ៣០៧ មន្ទីរពេទ្យ ១៨ ព្រមទាំងធ្វើឲ្យខូចខាតទ្រព្យសម្បត្តិ និងដំណាំរបស់ប្រជាពលរដ្ឋជាច្រើនហិកតា។ នេះបើតាមរបាយការណ៍របស់គណៈកម្មាធិការគ្រប់គ្រងគ្រោះមហន្តរាយ។

យោងតាមរបាយការណ៍ចំនួនពលរដ្ឋស្លាប់ដោយជំនន់ទឹកភ្លៀង គិតត្រឹមថ្ងៃទី២៧ ខែតុលា ឆ្នាំ២០២០ មានអ្នកស្លាប់កើនឡើងដល់៤៤នាក់ ក្នុងនោះមាននៅក្នុងខេត្តបន្ទាយមានជ័យ ២៦នាក់, ព្រះសីហនុ ២នាក់, ពោធិ៍សាត់ ៦នាក់, ប៉ៃលិន ១នាក់, កំពង់ធំ ៧នាក់, កំពង់ឆ្នាំង ១នាក់, ស្ទឹងត្រែង ១នាក់។

គួរបញ្ជាក់ថា គិតត្រឹមពេលបច្ចុប្បន្ននេះ មានជំនន់ទឹកភ្លៀងនៅឆ្នាំ២០២០នេះ បានបង្កឲ្យលិចលង់ចំនួន២០ រាជធានី-ខេត្ត រួមមានខេត្ត ពោធិ៍សាត់ ប៉ៃលិន បន្ទាយមានជ័យ ភ្នំពេញ បាត់ដំបង ស្វាយរៀង ត្បូងឃ្មុំ ឧត្តរមានជ័យ សៀមរាប តាកែវ កំពង់ស្ពឺ មណ្ឌលគិរី ព្រះសីហនុ កោះកុង ព្រះវិហារ ស្ទឹងត្រែង កំពង់ចាម កណ្តាល កំពង់ឆ្នាំង និងកំពង់ធំ៕


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង