ពលរដ្ឋស្លាប់ដោយ«ជំនន់ទឹកភ្លៀង»កើនដល់៣៦នាក់គិតត្រឹមថ្ងៃទី២១តុលានេះ

ភ្នំពេញ៖ គិតមកដល់ថ្ងៃទី២១ ខែតុលានេះ មានអ្នកស្លាប់ដោយ«ជំនន់ទឹកភ្លៀង»កើនដល់៣៦នាក់ ប៉ះពាល់សាលារៀន៧០៧ វត្ត ១៣០ មន្ទីរពេទ្យ ១៨ ព្រមទាំងធ្វើឲ្យខូចខាតទ្រព្យសម្បត្តិ និងដំណាំរបស់ប្រជាពលរដ្ឋជាច្រើនហិកតា។ នេះបើតាមរបាយការណ៍របស់គណៈកម្មាធិការគ្រប់គ្រងគ្រោះមហន្តរាយ។

យោងតាមរបាយការណ៍ចំនួនពលរដ្ឋស្លាប់ដោយជំនន់ទឹកភ្លៀង គិតត្រឹមថ្ងៃទី២១ ខែតុលា ឆ្នាំ២០២០ មានអ្នកស្លាប់កើនឡើងដល់៣៦នាក់ ក្នុងនោះមាននៅក្នុងខេត្តបន្ទាយមានជ័យ ១៩នាក់, ព្រះសីហនុ ២នាក់, ពោធិ៍សាត់ ៦នាក់, ប៉ៃលិន ១នាក់, កំពង់ធំ ៦នាក់, កំពង់ឆ្នាំង ១នាក់, ស្ទឹងត្រែង ១នាក់។