ចិន៖ ក្រុមវិស្វករនៃប្រទេសចិន និង វៀតណាម កាលពីសប្តាហ៍មុន បានសម្រេចជោគជ័យនៃការតភ្ជាប់ជាផ្លូវការនូវ «ផ្លូវរូងក្រោមដី» នៃកំពង់ផែ Smart ចិន-វៀតណាម ដែលជាគម្រោងសាងសង់ ដើម្បីជួយសម្របសម្រួលពាណិជ្ជកម្មឆ្លងព្រំដែន នៅតំបន់ស្វយ័ត Guangxi របស់ចិន និង ខេត្ត Lang Son របស់វៀតណាម។
ការតភ្ជាប់គម្រោងដឹកជញ្ជូនក្រោមដីរបស់ចិន និង វៀតណាមនេះ គឺជាគម្រោងសាកល្បងមួយក្នុងចំណោមគម្រោងសាកល្បងពីរក្រោមគម្រោងកំពង់ផែឆ្លាតវៃ ចិន-វៀតណាម ដើម្បីបង្កើនពាណិជ្ជកម្មទ្វេភាគី និងសម្រួលដំណើរការព្រំដែន។ វាមានគោលបំណង "ធានាឱ្យមានលំហូររលូនឆ្លងកាត់កំពង់ផែព្រំដែន ពន្លឿនការធ្វើឱ្យប្រសើរឡើង និង ការបើកកំពង់ផែ ធ្វើឱ្យប្រសើរឡើងនូវការតភ្ជាប់ហេដ្ឋារចនាសម្ព័ន្ធកំពង់ផែ ជំរុញកិច្ចសហប្រតិបត្តិការកំពង់ផែឆ្លាតវៃ និង ការពន្លឿនការធ្វើសមាហរណកម្មនៃខ្សែសង្វាក់ផ្គត់ផ្គង់ឧស្សាហកម្ម និង ការផ្គត់ផ្គង់។
ស្ថិតនៅភាគពាយព្យនៃមជ្ឈមណ្ឌលត្រួតពិនិត្យទំនិញ គម្រោងផ្លូវរូងក្រោមដីនេះ មានទំហំជិត ១២០,០០០ ម៉ែត្រការ៉េ ជាមួយនឹងការវិនិយោគប៉ាន់ស្មានប្រហែល៧៦០ លានយន់ (ប្រហែល ១០៥ លានដុល្លារអាម៉េរិក។ច្រករបៀងនេះ ត្រូវបានគេរំពឹងថានឹងពង្រឹងទំនាក់ទំនងពាណិជ្ជកម្មរវាងចិន និងវៀតណាម ខណៈពេលដែលផ្តល់នូវការជំរុញសេដ្ឋកិច្ចដ៏សំខាន់ដល់តំបន់ព្រំដែន។
គួរបញ្ជាក់ថា ចំណូលបានពីការនាំចូល និង នាំចេញរវាង ប្រទេសវៀតណាម និងប្រទេសចិន បានឈានដល់ជិត ១៣០.៨ពាន់លានដុល្លារ នៅក្នុងរយៈពេល៨ខែដំបូង នៃឆ្នាំនេះ។ ដោយក្នុងចំណោមតួលេខនេះ តម្លៃនាំចេញរបស់វៀតណាមមានចំនួន ៣៨.២៨ពាន់លានដុល្លារអាមេរិក ពោលកើនឡើង ៣,៩% ធៀបនឹងឆ្នាំមុន។ប្រទេសវៀតណាមមានទំនិញចំនួន១០មុខ ដែលមានចំណូលពីការនាំចេញជាង១ពាន់លានដុល្លារនៅក្នុងមួយមុខៗ ដោយរួមទាំង ទូរស័ព្ទ និងគ្រឿងបន្លាស់កុំព្យូទ័រ ផលិតផលអេឡិចត្រូនិក កាមេរ៉ា, ផ្លែឈើ និង បន្លែ, គ្រឿងម៉ាស៊ីន ឧបករណ៍ និង គ្រឿងបន្លាស់សម្រាប់ការងារគ្រឿងម៉ាស៊ីនជាដើម៕
.PNG?1729491974)
.PNG?1728286742)
.PNG?1726710378)
.PNG?1725589502)
