New York Times៖ក្រុមហ៊ុនហ្វេសប៊ុក«មិនបានលុប»ផេកហ្វេសប៊ុកសម្តេច ហ៊ុន សែន

អាម៉េរិក៖ បណ្តាញសារព័ត៌មានដែលមានឈ្មោះល្បីល្បាយនៅអាម៉េរិក និង នៅលើពិភពលោក នៅថ្ងៃទី ៣០ មិថុនាកន្លងទៅ បានចុះផ្សាយពីការប្រកាសម្តេច ហ៊ុន សែន ឈប់ប្រើប្រាស់បណ្តាញសង្គមហ្វេសប៊ុកហើយប្តូរមកប្រើ TikTok និង Telegram។ក្នុងខ្លឹមសារនោះ New York Times ស្រង់សម្តីអ្នកពាក្យក្រុមហ៊ុនហ្វេសប៊ុកថា ក្រុមហ៊ុនមិនបានលុបផេកហ្វេសប៊ុកសម្តេច ហ៊ុន សែននោះទេ ពោលគឺសម្តេចហ៊ុន សែន ខ្លួនឯងទេ គឺជាអ្នកលុប។

ក្រោយពីសម្តេច ហ៊ុន សែន នាយករដ្ឋមន្ត្រីនៃកម្ពុជាប្រកាសលុបផេកហ្វេសប៊ុនដែលមានអ្នកចូលចិត្តជាង១៤លាននាក់ បណ្តាញសារព័ត៌មានធំៗនៅលើពិភពលោកបានចុះផ្សាយព្រោងព្រៀតពីការសម្រេចចិត្តដ៏សំខាន់របស់សម្តេច ហ៊ុន សែន ដោយចាប់ជាចំណងជើងផ្សាយផ្សេងៗគ្នា។

New York Times ជាសារព័ត៌មានចាស់វស្សារបស់អាម៉េរិកពីការសម្រេចចិត្តរបស់ប្រមុខរាជរដ្ឋាភិបាលកម្ពុជា ហ៊ុន សែន ដែលលុបបណ្តាញសង្គមហ្វេសប៊ុក ហើយប្តូរមកប្រើប្រាស់ TikTok និង Telegram វិញ។New York Times បានស្រង់សម្តីរបស់អ្នកនាំពាក្យក្រុមហ៊ុនហ្វេសប៊ុក ឬ Meta ថា "ក្រុមហ៊ុនហ្វេសប៊ុកមិនបានលុបផេកហ្វេសប៊ុករបស់សម្តេចហ៊ុន សែននោះទេ ពោលគឺសម្តេចខ្លួនឯងទេជាអ្នកបញ្ជាឱ្យជំនួយការលុប"។

គួរបញ្ជាក់ថា ផេកហ្វេសប៊ុកផ្លូវការរបស់សម្តេច ហ៊ុន សែន នាយករដ្ឋមន្រ្តីនៃកម្ពុជា បានប្រកាសបង្កើតផ្លូវការនៅនៅថ្ងៃទី២០ ខែកញ្ញា ឆ្នាំ២០១៥ ដើម្បីទទួលសេចក្តីរាយការណ៍ដោយផ្ទាល់ពីប្រជាពលរដ្ឋពេលជួបនូវទុក្ខកង្វល់ និង បញ្ហានានា ហើយក៏បានឆ្លើយតប និង ដោះស្រាយជូនប្រជាពលរដ្ឋទាន់ពេលវេលា។ប៉ុន្តែនៅចុងខែមិថុនា សម្តេចបានប្រកាសលុបផេកហ្វេសប៊ុក ក្រោយពីក្រុមហ៊ុនហ្វេសប៊ុប្រជុំពិនិត្យ ដើម្បីឈានទៅផ្អាក់ហ្វេសប៊ុកសម្តេចដែលគេមើលឃើថា ជាការសម្រេចចិត្តលម្អៀងពាក់ព័ន្ធរឿងនយោបាយខណៈការបោះឆ្នោតថ្នាក់ជាតិនឹងចូលមកដល់នៅថ្ងៃទី ២៣ កក្កដា ឆ្នាំ២០២៣ខាងមុខនេះ។

តែយ៉ាងណាក៏ដោយ ប្រមុខរាជរដ្ឋាភិបាលកម្ពុជាសម្តេច ហ៊ុន សែន​ បានសង្កត់ធ្ងន់ថា រាជរដ្ឋាភិបាលកម្ពុជា មិនល្ងង់បិទបណ្តាញសង្គម Facebook នៅកម្ពុជានោះទេ តាមការអុចអាលរបស់ក្រុមប្រឆាំងនៅបរទេសនោះទេ ព្រោះហ្វេសប៊ុកជាតម្រូវការរបស់ប្រជាជនកម្ពុជា ​ដូច្នេះសម្តេចតម្កល់ផលប្រយោជន៍ប្រជាជនជាធំ៕