Eqm5 on ads news
Photo 2022 10 27 15.04.39
Photo 2022 10 27 10.25.28
Jetour
Cct 01
Website cc time banner

ទូតអង់គ្លេស និងចិន ជួបគ្នាដើម្បីស្វែងរកជួយគាំទ្រការអភិវឌ្ឍន៍កម្ពុជា

នយោបាយ
/
អ្នកយកព័ត៌មាន:
ស៊ីស៊ីថាមស៍
/
ឆ្វេង៖ឯកអគ្គរាជទូតអង់គ្លេស លោក Dominic Williams ស្តាំ៖ឯកអគ្គរដ្ឋទូតចិន លោក Wang Wentian

ភ្នំពេញ៖ ឯកអគ្គរាជទូតអង់គ្លេស និង ឯកអគ្គរដ្ឋទូតចិន នៅថ្ងៃទី ៦ ខែមេសានេះ បានណាត់ជួបគ្នាពិភាក្សាយ៉ាងស្និទ្ធស្នាលអំពីកិច្ចខិតខំប្រឹងប្រែងរបស់ស្ថានទូតអង់គ្លេស​ និង ស្ថានទូតចិនក្នុងការគាំទ្រដល់ការអភិវឌ្ឍន៍របស់ប្រទេសកម្ពុជា។គេមិនទាន់ដឹងព័ត៌មានលម្អិតយ៉ាងណានោះទេ តែវាជាសញ្ញាល្អមួយសម្រាប់ប្រទេសកម្ពុជា ក្នុងអភិវឌ្ឍសេដ្ឋកិច្ចជាតិ។

តាមការគម្រោងទុកឯកអគ្គរាជទូតអង់គ្លេស លោក Dominic Williams និង ឯកអគ្គរដ្ឋទូតចិន លោក Wang Wentian បានពិភាក្សាក្នុងស្ថានទូតចិននៅទីក្រុងភ្នំពេញ នៃប្រទេសកម្ពុជា។ជាជំនួបដែលរៀបចំឡើងប្រកបដោយភាពស្និទ្ធស្នាល និង បានជជែកអំពីកិច្ចខិតខំប្រឹងប្រែងរបស់ស្ថានទូតអង់គ្លេស​ និង ស្ថានទូតចិន ក្នុងការគាំទ្រដល់ការអភិវឌ្ឍន៍របស់ប្រទេសកម្ពុជា។

គេមិនទាន់ដឹងព័ត៌មានលម្អិតយ៉ាងណានោះទេ។ប៉ុន្តែបើតាម ឯកអគ្គរាជទូតអង់គ្លេស លោក Dominic Williams តាមរយៈទំព័រហ្វេសប៊ុករបស់ខ្លួនដែលសរសេរជាភាសាខ្មែរបានលើកឡើងថា "ខ្ញុំបានចូលចិត្តជួបគ្នាឯកឧត្តម Wang Wentian និងបានស្តាប់អំពីបទពិសោធន៍របស់ឯកឧត្តម នៅក្នុងប្រទេសកម្ពុជាតាំងពីឆ្នាំ ២០១៨។ យើងយល់ស្របថា កម្ពុជាទទួលបានអត្ថប្រយោជន៍ពីដៃគូជាច្រើនដែលគាំទ្រការអភិវឌ្ឍន៍របស់ខ្លួន។"

ទោះបីជាមិនមានព័ត៌មានលម្អិតពីជំនួប តែកាយវិកានេះ ជាសញ្ញាដ៏ល្អមួយសម្រាប់ប្រទេសកម្ពុជាដែលទូតអង់គ្លេស និង ទូតចិន បានជួបគ្នា ដើម្បីស្វែងរកជួយអភិវឌ្ឍន៍កម្ពុជា។ប្រទេសចិនគឺជាមិត្តដែកថែបរបស់កម្ពុជា និងជាប្រទេសដែលមានទំនាក់ទំនងផ្នែកសេដ្ឋកិច្ច នយោបាយ និងវប្បធម៌។

ចំណែកប្រទេស​អង់គ្លេស​ ជាប្រទេសក៏មានទំនាក់ទំនងល្អជាមួយគម្ពុជា ហើយបច្ចុប្បន្ននេះកំពុង​ស្វះស្វែង​រក​ដៃគូ​ពាណិជ្ជកម្ម និង​ សេដ្ឋកិច្ច​ជា​យុទ្ធសាស្ត្រ​នៅ​គ្រប់ទិសទី​ហើយ​តំបន់​អាស៊ាន ឬ​ក៏​អាស៊ីអាគ្នេយ៍​គឺជា​គោលដៅ​មួយ​សំខាន់​សម្រាប់​អង់គ្លេស ហើយ​ទំនាក់ទំនង​អង់គ្លេស​ជាមួយ​កម្ពុជា​មាន​ទាំង​ទ្វេភាគី​ផង និង​ពហុភាគី​ផង​ដែល​ជា​ទំនាក់ទំនង​អាស៊ាន​ និង​អង់គ្លេស​ដែល​ប្រទេស​នេះ​ចង់​ក្លាយ​ជា​ដៃគូ​សន្ទនា​របស់​អាស៊ាន​ដែរ​។

ផ្ទាំងពាណិជ្ជកម្ម
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង