កប៉ាលទេសចរណ៍មួយគ្រឿងទៀតកំពុងពិនិត្យផ្ទៀងផ្ទាត់រកមេរោគ Covid-19

ខេត្តព្រះសីហនុ៖ កប៉ាលទេសចរណ៍បរទេសមួយគ្រឿង ឈ្មោះ MS World Dream សញ្ជាតិ Bahamas បានឈប់សំចតនៅក្នុងសមុទ្រខាងមុខកំពង់ផែក្រុងព្រះសីហនុ នាព្រឹកថ្ងៃ១៧កុម្ភៈ២០២០នេះ។

មន្ត្រីសមត្ថកិច្ចនៅកំពង់ផែអោយដឹងថា នៅលើនាវានេះមិនមានអ្នកទេសចរណ៍ទេ មានតែកងនាវិកចំនួន៣៦នាក់ប៉ុណ្ណោះ និងថានាវានេះអជ្ញាធរមិនទាន់អនុញ្ញាតអោយចូលចតនៅចំណតកំពងផែនៅឡើយ រង់ចាំរហូតដល់ក្រុមគ្រូពេទ្យកម្ពុជាយកសំណាកពីកងនាវិកទាំង៣៦នាក់ ទៅពិនិត្យផ្ទៀងផ្ទាត់នៅវិទ្យាស្ថានប៉ាស្ទរ័ រកមេរោគCovid-19 ជាមុនសិន និងថា ប្រសិនបើការវិភាគតាមវេជ្ជសាស្ត្រជាក់លាក់ បញ្ជាក់ថាអវិជ្ជមាន គ្មានសញ្ញាសង្សយ័ពីមេរោគ ទើបអជ្ញាធរអនុញ្ញាតអោយចូលចតដល់ចំណតកំពង់ផែ៕