.png?1741682398)
កម្ពុជា៖ គម្រោងUSAID ព្រៃឡង់បៃតង បាននឹងកំពុងប្រើប្រាស់ឧបករណ៍ និងប្រព័ន្ធព័ត៌មានភូមិសាស្ត្រ ក្នុងការល្បាតព្រៃរបស់សហគមន៍មូលដ្ឋានជាង៤៥ ដែលដើរល្បាតសហគមន៍តំបន់ការពារធម្មជាតិ និងសហគមន៍ព្រៃឈើ នៅក្នុងតំបន់ទេសភាពព្រៃឡង់និងតំបន់ជុំវិញ។ ការប្រើប្រាស់ឧបករណ៍ និងប្រព័ន្ធព័ត៌មានភូមិសាស្ត្រ ដើម្បីកិច្ចការអភិរក្សព្រៃឈើ និងផ្ទៀងផ្ទាត់គម្របដីរបស់គម្រោងរេដបូក។
ប្រព័ន្ធផ្តល់ដំណឹងតាមផ្កាយរណប បំពេញចន្លោះសំខាន់ក្នុងការគ្រប់គ្រងព្រៃឈើ ដោយសារប្រព័ន្ធនេះអាចរកឃើញការផ្លាស់ប្តូរព្រៃឈើពីរយៈកាលមួយទៅរយៈកាលមួយទៀត។ ប្រព័ន្ធជូនដំណឹងនេះ ត្រូវបានប្រើប្រាស់យ៉ាងពេញលេញក្នុងការល្បាតព្រៃរបស់ សហគមន៍មូលដ្ឋានជាង៤៥ ដែលដើរល្បាតសហគមន៍តំបន់ការពារធម្មជាតិ និងសហគមន៍ព្រៃឈើ នៅក្នុងតំបន់ទេសភាពព្រៃឡង់និងតំបន់ជុំវិញ។
ដោយមានការគាំទ្រពីអង្គការអភិរក្សអន្តរជាតិ និងសមាគមអភិរក្សសត្វព្រៃ មន្ត្រីអនុរក្សនៃមន្ទីរបរិស្ថានខេត្តក៏បានបញ្ចូលប្រព័ន្ធផ្តល់ដំណឹងនេះ ទៅក្នុងផែនការល្បាតរបស់ពួកគេដែរ តាមរយៈទីបញ្ជាការត្រួតពិនិត្យតំបន់ការពារធម្មជាតិ(PAMP) នៅខេត្តព្រះវិហារ ស្ទឹងត្រែង និងខេត្តកំពង់ធំ ផងដែរ។
ចំណែកឯប្រព័ន្ធគ្រប់គ្រងការតាមដាននិងវាយតម្លៃជីវរូបវិទ្យាពហុមុខ ត្រូវបានប្រើដើម្បីវាយតម្លៃការផ្លាស់ប្តូរកម្រិតតំបន់ទេសភាពនៃគម្រោងអភិរក្ស។ ដៃគូរអភិរក្សទាំងអស់នៅក្នុងតំបន់ទេសភាពព្រៃឡង់និងតំបន់ជុំវិញ កំពុងប្រើប្រាស់ប្រព័ន្ធគ្រប់គ្រងនេះ ដើម្បីគាំទ្រដល់ការបញ្ជាក់ និងផ្ទៀងផ្ទាត់គម្របដីរបស់គម្រោងរេដបូក។
ជាមួយគ្នានេះ កាលពីពេលថ្មីៗនេះ គម្រោងUSAID ព្រៃឡង់បៃតងនិង SERVIR-Mekong ថ្មីៗនេះបានចុះទៅតំបន់ទេសភាពព្រៃឡង់និងតំបន់ជុំវិញដើម្បីពិនិត្យមើលការប្រើប្រាស់ជាក់ស្តែងនូវឧបករណ៍ភូមិសាស្ត្រពីរដែលបង្កើតឡើងដោយSERVIR Mekong ។
គួរបញ្ជាក់ថា SERVIR-Mekong គឺជាមជ្ឈមណ្ឌលមួយក្នុងចំណោមមជ្ឈមណ្ឌលពិភពលោកចំនួនប្រាំដែលគាំទ្រដោយទីភ្នាក់ងារជំនួយអាមេរិកUSAID និង NASA ដើម្បីផ្តល់ឧបករណ៍ និងប្រព័ន្ធព័ត៌មានភូមិសាស្ត្រដល់អ្នកធ្វើការសម្រេចចិត្តគ្រប់កម្រិតលើបញ្ហាអាកាសធាតុ កសិកម្ម គ្រោះមហន្តរាយ និងបញ្ហាប្រើប្រាស់ដីធ្លី។
នៅក្នុងប្រទេសកម្ពុជា ឧបករណ៍ភូមិសាស្ត្រដែលបង្កើតឡើងដោយ SERVIR-Mekong រួមមាន ប្រព័ន្ធផ្តល់ដំណឹងពីការរំខានព្រៃឈើដោយប្រើប្រព័ន្ធផ្កាយរណប (Synthetic Aperture Radar (SAR) Forest Disturbance Alert System) និង ប្រព័ន្ធគ្រប់គ្រងការតាមដាននិងវាយតម្លៃជីវរូបវិទ្យា៕
.png?1744178821)
.jpg?1745999249)
