ភ្នំពេញ៖រាជរដ្ឋាភិបាលកម្ពុជា បានសម្រេចពង្រីកវិសាលភាពគ្របដណ្តប់ និង ទំហំថវិកសម្រាប់ «កម្មវិធីសាច់ប្រាក់ពលកម្ម» នៅក្នុងឆ្នាំ២០២០ ឱ្យឡើងដល់១០០លានដុល្លារអាមេរិក ដើម្បីស្រូបយកកម្លាំងពលកម្មដែលបាត់បង់ការងារពីរោងចក្រ សហគ្រាស និងដែលបានវិលត្រលប់ពីបរទេសមកកាន់ស្រុកកំណើតវិញ។នេះបើយោងតាមសេចក្តីណែនាំរបស់រាជរដ្ឋាភិបាលស្តីពីវិធានការបន្ថែមពាក់ព័ន្ធការរីករាលដាលនៃកូវីដ១៩។
បើតាមសេចក្តីណែនាំដដែលបានគូសបញ្ជាក់ថា ថវិកាទាំងនោះក៏នឹងជួយទ្រទ្រុងជីវភាពរស់នៅរបស់ប្រជាពលរដ្ឋនៅតាមមូលដ្ឋានជាទូទៅ និង ដើម្បីបង្កើតនូវសមិទ្ធផលសង្គម សេដ្ឋកិច្ច តាមរយៈការអនុវត្តគម្រោងកសាងហេដ្ឋារចនាសម្ព័ន្ធរូបវន្តតូចៗនៅតាមមូលដ្ឋាន សំដៅលើកស្ទួយវិស័យកសិកម្ម និង សេដ្ឋកិច្ច។
ជាមួយគ្នានេះ រាជរដ្ឋាភិបាលកម្ពុជា បានប្តេជ្ញាចិត្តបន្តអនុវត្តរាល់កម្មវិធីគាំពារសង្គមទាំងឡាយដែលមានស្រាប់មិនឱ្យខកខាន និងរៀបចំដាក់ឱ្យអនុវត្តនៅក្នុងខែមិថុនា ឆ្នាំ២០២០នេះ នូវកម្មវិធីជំនួយសង្គមសំដៅជួយសម្រួលជីវភាពប្រចាំថ្ងៃ នៅក្នុងពេលដែលកម្ពុជាមានវិបត្តិដោយសារកូវីដ១៩ ជូនដល់គ្រួសារក្រីក្រ និងក្រុមជនងាយរងគ្រោះដែលមានបណ្ណសមធម៌ទូទាំងប្រទេស។
![](https://cdn.cc-times.com/kh.cc-times.com/media/2251/large/fn-2020-05-26-12-26-04-0.png?1590476812)
![](https://cdn.cc-times.com/kh.cc-times.com/media/2253/large/fn-2020-05-26-12-26-04-1.png?1590476825)
![](https://cdn.cc-times.com/kh.cc-times.com/media/2252/large/fn-2020-05-26-12-26-04-2.png?1590476824)
![](https://cdn.cc-times.com/kh.cc-times.com/media/2254/large/fn-2020-05-26-12-26-04-3.png?1590476833)
![](https://cdn.cc-times.com/kh.cc-times.com/media/2255/large/fn-2020-05-26-12-26-04-4.png?1590476842)