ភ្នំពេញ៖រាជរដ្ឋាភិបាលកម្ពុជា នៅថ្ងៃទី២៥ ឧសភានេះ បានណែនាំដល់ប្រធានក្រុមការងាររាជរដ្ឋាភិបាលចុះមូលដ្ឋានរាជធានី-ខេត្ត ត្រូវចុះត្រួតពិនិត្យ និងគាំទ្រការអនុវត្តកម្មវិធីយោបាយ ស្តីពីការតាមដាន គាំទ្រ និងជម្រុញសកម្មភាពកំណត់អត្តសញ្ញាណកម្មក្រសួងគ្រួសារក្រីក្រក្នុងអំឡុងពេលនៃការរីករាលដាលជំងឺកូវីដ-១៩។
ក្នុងសេចក្តីជូនដំណឹង រដ្ឋាភិបាលភិបាលកម្ពុជា បានគូសបញ្ជាក់ថា ដើម្បីទប់ស្កាត់ការរីករាលដាលជំងឺកូវីដ១៩ រាជរដ្ឋាភិបាលកម្ពុជាបានរៀបចំវិធានការមួយចំនួន ដើម្បីផ្តល់កិច្ចអន្តរជាគមន៍ជាបន្ទាន់ដល់ប្រជាពលរដ្ឋកម្ពុជាទាំងអស់ដែលរងនូវផលប៉ះពាល់ដល់ជីវភាពរស់នៅ ជាពិសេសគ្រួសារក្រីក្រ និងគ្រួសារទទួលរងផលប៉ះពាល់ខ្លាំងជាងគេ។
វិធានការនេះ រដ្ឋាភិបាលបានសម្រេចជាគោលការណ៍ឧបត្តម្ភជាទឹកប្រាក់ជូនដល់គ្រួសារក្រីក្រដែលមានបណ្ណសមធម៏រួចហើយ និង គ្រួសារក្រីក្រីខ្លះដែលអវត្តមានតាមជុំនៃការប្រមូលទិន្នន័យ និង គ្រួសារខ្លះដែលទើបទទួលរងផលប៉ះពាល់ខ្លាំងដោយសារកូវីដ១៩។
បើតាមសេចក្តីជូនដំណឹងរបស់រដ្ឋាភិបាល គោលនយោបាយនេះ គឺសំដៅជួយសម្រាលភាពលំបាករបស់ពលរដ្ឋក្រីក្រ និង ពលរដ្ឋដែលងាយរងគ្រោះដោយការរីករាលដាលជំងឺកូវីដ១៩៕
.JPG?1634100985)
