Foton on ads news final
Cct850x100 1
Cc time 1800 x 300
San house

ថៃប្រកាសអាសន្នកម្រឹត ៤ ខណៈករណីឆ្លងកើនឡើងខ្លាំង

អន្តរជាតិ
/
អ្នកយកព័ត៌មាន:
លី ម៉ាលីង
/
ថៃប្រកាសអាសន្នកម្រឹត ៤ ខណៈករណីឆ្លងកើនឡើងខ្លាំង ប្រភពរូប៖ The Nation Thailand

ថៃ៖ ក្រសួងសុខាភិបាលសាធារណៈថៃ បានដំឡើងការប្រកាសអាសន្នកូវីដ-១៩ ដល់កម្រឹត ៤ នៅថ្ងៃព្រហស្បតិ៍ ខណៈការឆ្លងប្រចាំថ្ងៃបានកើនឡើងជាលំដាប់។

លោកវេជ្ជបណ្ឌិត Kiattiphum Wongrajit លេខាធិការអចិន្ត្រៃយ៍របស់វិទ្យាស្ថាន បាននិយាយថា កន្លែងដែលមានហានិភ័យនៃការឆ្លងនឹងត្រូវបិទ ខណៈមនុស្សនឹងមិនត្រូវបានអនុញ្ញាតឲ្យធ្វើដំណើរ និងការជួបជុំគ្នា ដើម្បីទប់ស្កាត់ការរីករាលដាលនេះ។

លោកបានពន្យល់ថា ចំនួនអ្នកឆ្លងកូវីដ១៩ បានកើនឡើងនៅពេលដែលមនុស្សទៅទស្សនាភោជនីយដ្ឋានដែលមានខ្យល់ចេញចូលមិនល្អ រៀបចំពិធីជប់លៀង ពិធីសាសនា និងការធ្វើដំណើរ ដែលបង្កឱ្យមានករណីឆ្លងការកើនឡើង។

លោកវេជ្ជបណ្ឌិត Kiattiphum បានស្នើឲ្យប្រជាពលរដ្ឋដែលបានធ្វើដំណើរទៅខេត្តផ្សេងត្រូវតាមដានសុខភាពយ៉ាងហោចណាស់ ១៤ថ្ងៃ ហើយពួកគេគួរតែធ្វើការពីផ្ទះ។ លោកបន្ថែមថា ភ្នាក់ងារខេត្ត គួរតែអនុវត្តច្បាប់ ដើម្បីធានាថាភោជនីយដ្ឋាន និងកន្លែងផ្សេងទៀតដំណើរការយ៉ាងតឹងរ៉ឹងក្រោមបទប្បញ្ញត្តិសុវត្ថិភាព។

ក្រសួងសុខាភិបាលសាធារណៈបានរាយការណ៍នៅព្រឹកថ្ងៃព្រហស្បតិ៍នេះថា ក្នុងរយៈពេល ២៤ ម៉ោង មានអ្នកជំងឺថ្មីចំនួន ៥,៧៧៥ នាក់ ដែលក្នុងនោះមាន ៧៧ នាក់ត្រូវបានរកឃើញនៅក្នុងពន្ធនាគារ ខណៈដែលចំនួនអ្នកស្លាប់បានកើនឡើងចំនួន ១១ នាក់។ ហើយអ្នកជំងឺ ២,៦៧៣ នាក់បានជាសះស្បើយ និងអនុញ្ញាតឱ្យចេញពីមន្ទីរពេទ្យ៕

Khcct banner

អត្ថបទទាក់ទង