ខេត្តព្រះវិហារ៖ រដ្ឋបាលខេត្តព្រះវិហារ បានប្រកាសពីការរកឃើញអ្នកផ្ទុកជំងឺកូវីដ១៩ ចំនួន ០៣នាក់ ដែលធ្វើដំណើរមកពីខេត្តកំពង់ធំ ជាមួយអ្នករួមដំណើរចំនួន ០៣នាក់ផ្សេងទៀត កាលពីយប់ម៉ោង០៩ និង១៥នាទី ក្នុងថ្ងៃទី០៥ ខែមិថុនា ឆ្នាំ២០២១ នៅមណ្ឌលចត្តាឡីស័កកម្រិត១ ស្រុករវៀង ។
ជាមួយគ្នានេះ រដ្ឋបាលខេត្ត បានបញ្ជាក់ពីអត្តសញ្ញាណរបស់អ្នកជំងឺកូវីដទាំង ០៣នាក់ និងអ្នករួមដំណើរទាំង ០៣នាក់ជាមួយផងដែរ មានទីលំនៅភូមិរលួស សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ធ្វើដំណើរមកខេត្តព្រះវិហារ មានឈ្មោះខាងក្រោម៖
ក/. អ្នកវិជ្ជមានកូវីដ១៩
១- ខាត់ សុភត ភេទស្រី អាយុ ៥៦ឆ្នាំ
២- គុន ស្រីរិទ្ធ ភេទស្រី អាយុ ២៩ឆ្នាំ
៣- កុមារី ខុន ស្រីខួច អាយុ ០៤ឆ្នាំ
ខ/- អ្នកប៉ះពាល់ផ្ទាល់ និងអ្នករួមដំណើរជាមួយអ្នកជំងឺកូវីដទាំង ៣នាក់ខាងលើ
១- តាប់ សុខឿន ភេទប្រុស អាយុ ៣៧ឆ្នាំ
២- តាប់ ចំរើន ភេទប្រុស អាយុ ២១ឆ្នាំ
៣- តាប់ វិច្ឆិកា ភេទស្រី អាយុ ១៦ឆ្នាំ។
សូមបញ្ជាក់ថា អ្នកជំងឺកូវីដទាំង ៣នាក់ និងអ្នករួមដំណើរជាមួយតាមរថយន្ត បានធ្វើដំណើរដល់ទីតាំងស្រុករវៀង បានកើតមានឧប្បត្តិយហេតុគ្រោះថ្នាក់ចរាចរណ៍ ហើយក្រោយស្រាវជ្រាវ និងយកសំណាក គឺមានផ្ទុកវិជ្ជមានកូវីដ១៩ ចំនួន ០៣នាក់។
ហើយនៅព្រឹកថ្ងៃអាទិត្យ ទី០៦ ខែមិថុនា ឆ្នាំ២០២១នេះ រដ្ឋបាលស្រុករវៀង ខេត្តព្រះវិហារ ក្រោយពេលរកឃើញវិជ្ជមានកូវី១៩ ចំនួន ០៣ មកពីខេត្តកំពង់ធំ ក៏បានចុះបិទទីតាំងមួយចំនួន ស្ថិតនៅទីរួមស្រុកជាបណ្តោះអាសន្នសិន មានដូចជា៖ ផ្សារស្រុករវៀង , ផ្ទះសំណាក់តោពីរ , អាហារដ្ឋានទល់មុខតោពីរ និងកន្លែងវីងវេរលុយទល់មុខទីស្នាក់ការបក្សប្រជាជនកម្ពុជាស្រុក ដោយសារអ្នកមានវិជ្ជមានកូវីដ-១៩ទាំង ៣នាក់ បានចូលទីតាំងទាំងនោះ ដែលស្ថិតនៅស្រុករវៀង ខេត្តព្រះវិហារ។
ជាថ្មីម្ដងទៀត អាជ្ញាធរខេត្តព្រះវិហារ បានសំណូមដល់ប្រជាពលរដ្ឋទាំងអស់ក្នុងស្រុករវៀង ត្រូវមានការប្រុងប្រយ័ត្នអោយបានខ្ពស់បំផុត ចូលរួមជាមួយអាជ្ញាធរដែនដី ការពារពីការឆ្លងរីករាលដាលនៃជំងឺកូវី-១៩ ត្រូវអនុវត្តវិធានការការពាររបស់ក្រសួងសុខាភិបាល និងរាជរដ្ឋាភិបាល ៣-កុំ និង ៣-ការពារ ឱ្យបានខ្ជាប់ខ្ជួន និងប្រុងប្រយ័ត្នបំផុត៕
.jpg?1712911391)
