កំពង់ចាម៖ រដ្ឋបាលខេត្តកំពង់ចាម ក្នុងថ្ងៃទី១៣ ខែឧសភា ឆ្នាំ២០២១ បានរកឃើញអ្នកវិជ្ជមានកូវីដ-១៩ ចំនួន ០៦នាក់បន្ថែមទៀត ក្នុងនោះនៅស្រុកស្រីសន្ធរ ចំនួន០២នាក់, ស្រុកបាធាយ ចំនួន០១នាក់ និងស្រុកកងមាស ចំនួន០៣នាក់។
យោងតាមសេចក្តីប្រកាសព័ត៌មាន របស់រដ្ឋបាលខេត្តកំពង់ចាម បានបង្ហាញពីអត្តសញ្ញាណនៃអ្នកវិជ្ជមានកូវីដទាំង ០៦នាក់នោះ ដល់បងប្អូនប្រជាពលរដ្ឋដែលរស់នៅភូមិត្រស់ ឃុំព្រែកពោធិ៍, ភូមិជ័យ ឃុំមានជ័យ ស្រុកស្រីសន្ធរ , ភូមិអកទៀត ឃុំតាំងក្រាំង ស្រុកបាធាយ , ភូមិព្រែកក្របៅ ឃុំព្រែកក្របៅ , ភូមិស្តៅ ឃុំស្តៅ ស្រុកកងមាស និងបងប្អូនប្រជាពលរដ្ឋរស់នៅក្នុងខេត្តកំពង់ចាម រួមមាន៖
១ ឈឿន ស្រីនាង ភេទស្រី អាយុ ៣៣ឆ្នាំ អាសយដ្ឋាននៅភូមិច្រស់ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម
២ ទូត ញ៉ា ភេទប្រុស អាយុ ៥៥ឆ្នាំ អាសយដ្ឋាននៅភូមិជ័យ ឃុំមានជ័យ ស្រុកស្រីសន្ធរ ខេត្តកំពង់ចាម
៣ រីម ស្រីពេជ្រ ភេទស្រី អាយុ ២៤ឆ្នាំ អាសយដ្ឋាននៅភូមិអ្នកទៀង ឃុំតាំងក្រាំង ស្រុកបាធាយ ខេត្តកំពង់ចាម
៤ ធាង ណារ៉ាក់ ភេទប្រុស អាយុ ០៩ឆ្នាំ អាសយដ្ឋាននៅភូមិព្រែកក្របៅ ឃុំព្រែកក្របៅ ស្រុកកងមាស ខេត្តកំពង់ចាម
៥ យ៉េន យ៉ុន ភេទស្រី អាយុ ៧២ឆ្នាំ អាសយដ្ឋាននៅភូមិព្រែកក្របៅ ឃុំព្រែកក្របៅ ស្រុកកងមាស ខេត្តកំពង់ចាម
៦ ហុង ម៉េង ភេទប្រុស អាយុ ៤៣ឆ្នាំ អាសយដ្ឋាននៅភូមិស្ដៅ ឃុំស្ដៅ ស្រុកកងមាស ខេត្តកំពង់ចាម។
ជាមួយគ្នានេះ នៅថ្ងៃទី១៣ ខែឧសភា ឆ្នាំ២០២១នេះ រដ្ឋបាលខេត្តកំពង់ចាម បានចាត់មន្ទីរសុខាភិបាលនៃរដ្ឋបាលខេត្ត យកសំណាកលើអ្នកសង្ស័យ ចំនួន ៣១៤នាក់ ទទួលបានលទ្ធផលតេស្ករហ័សកូវីដ-១៩ វិជ្ជមានកូវីដ-១៩ ចំនួន ០១នាក់, លទ្ធផលបញ្ជាក់ពីវិទ្យាស្ថានសុខភាពសាធារណៈពីករណ៏វិជ្ជមានកូវីដ-១៩ ចំនួន ០៥នាក់ និងបានចាត់ឱ្យមន្ទីរសុខាភិបាលនៃរដ្ឋបាលខេត្ត បញ្ជូនអ្នកជំងឺមកសម្រាកព្យាបាលនៅមន្ទីរពេទ្យមេគង្គកំពង់ចាម និងបន្តស្រាវជ្រាវរកអ្នកដែលប៉ះពាល់ដោយផ្ទាល់ នឹងដោយប្រយោលជាមួយអ្នកជំងឺកូវីដ-១៩ខាងលើបន្ថែមទៀត។
រដ្ឋបាលខេត្តកំពង់ចាម បានអំពាវនាវដល់អ្នកពាក់ព័ន្ធនឹងករណីនេះ សូមទៅពិនិត្យសុខភាព និងយក សំណាក នៅមន្ទីរពេទ្យបង្អែកដែលស្ថិតនៅជិតផ្ទះ ឬត្រូវរាយការណ៍ជូនអាជ្ញាធរមូលដ្ឋានជាបន្ទាន់ ឬតាមរយៈ លេខទូរស័ព្ទ ០៧០ ៨២៨ ៧៨៨ និង ០១២ ៧៣៦ ៧៥៥។ សូមបងប្អូនប្រជាពលរដ្ឋដែលរស់នៅភូមិ-ឃុំខាងលើ និងមិត្តភ័ក្ត្រ ដែលធ្លាប់ប្រាស្រ័យទំនាក់ទំនងនឹងអ្នកជំងឺខាងលើ ត្រូវអនុវត្តឱ្យបានខ្ជាប់ខ្លួននូវវិធានការ «៣កុំ ៣ការពារ»៕
