ភ្នំពេញ៖គិតថ្ងៃទី៣១ ខែឧសភា ឆ្នាំ២០២០ មានអតិថិជនចំនួន ១៩៦ ៣០៧នាក់ ដែលរងផលប៉ះពាល់ដោយជំងឺកូវីដ១៩ បានស្នើសុំគ្រឹះស្ថានមីក្រូហិរញ្ញវត្ថុនៅកម្ពុជា ធ្វើការរៀបចំកម្ចីឡើងវិញតាមលទ្ធភាពសងរបស់ខ្លួន។នេះបើយោងតាមរបាយការណ៍របស់សហគមមីក្រូហិរញ្ញវត្ថុកម្ពុជា (CMA) ចេញផ្សាយនៅថ្ងៃទី៤ មិថុនា ឆ្នាំ២០២០នេះ។
បើតាមរបាយការណ៍ដដែលបានគូសបញ្ជាក់ថា ក្នុងនោះអតិថជនចំនួន ១៨០ ៣០១ (ជាង៩០ភាគរយ) ទទួលបានការអនុម័តរៀបចំកម្ចីឡើងវិញ ដែលមានទំហំទឹកប្រាក់សរុប ៨១៧ ៧២៥ ៤៣៦ ដុល្លាសហរដ្ឋអាមេរិក។
គួរបញ្ជាក់ថា អំឡុងពេលកម្មករ កម្មការិនី ប្រឈមនឹងការផ្អាកការងារបណ្ដោះអាសន្ន សម្តេច ហ៊ុន សែន នាយករដ្ឋមន្ត្រីនៃកម្ពុជា អំពាវនាវដល់គ្រឹះស្ថានមីក្រូហិរញ្ញវត្ថុ និងធនាគារឲ្យពន្យារពេលការបង់សង ឬមិនយកការប្រាក់សម្រាប់កម្មករដែលកំពុងត្រូវបានរោងចក្រព្យួរការងារ។
ជាមួយគ្នានោះសម្តេច ហ៊ុន សែន ក៏បានអំពាវនាវដល់ម្ចាស់រោងចក្រនិងសហគ្រាស មិនត្រូវឆ្លៀតឱកាសលុបកិច្ចសន្យាការងារជាមួយកម្មករ ក្នុងពេលវេលាដែលកម្មករកំពុងត្រូវបានព្យួរការងារនោះដែរ។ ចំណែកម្ចាស់បុរី ឬម្ចាស់ផ្ទះដែលលក់ ឬបង់រំលោះផ្ទះឱ្យកម្មករនិយោជិត និងអ្នកធ្វើការនៅតាមសណ្ឋាគារ ដែលត្រូវព្យួរការងារ ក៏ត្រូវយោគយល់ពន្យារពេលសង ឬបង់រំលោះផងដែរ។
.JPG?1634100985)
