ភ្នំពេញ៖ក្រសួងព័ត៌មានសម្រេចលុបអាជ្ញាបណ្ណគេហទំព័រឈ្មោះ រិទ្ធិ សែន ដោយម្ចាស់អាជ្ញាបណ្ណបានផ្សព្វផ្សាយព័ត៌មានបំផ្លើសការពិត ញុះញង់ឱ្យកើតមានអំពើហិង្សា បង្កការរើសអើងពូជសាសន៍ បង្កអសន្តិសុខ និងចលាចលនៅក្នុងសង្គម ដែលជាការំលោភបំពានលើវិជ្ជាជីវៈ និង កិច្ចសន្យាដែលសាមីខ្លួនបានតម្កល់ទុកនៅក្រសួងព័ត៌មាន។ នេះបើយោងតាមការចុះផ្សាយរបស់ក្រសួងព័ត៌មាន នៅថ្ងៃទី១៣ ខែឧសភា ឆ្នាំ២០២០នេះ។
គួរបញ្ជាក់ថា លោក សុខ ឧត្តម ជាស្ថានិកស្ថានីយវិទ្យុ FM99.75MHz ដែលបង្កើតតាំងពីឆ្នាំ២០១៤ ហើយក៏ជាស្ថានិកគេហទំព័រត្រូវបានក្រសួងព័ត៌មានសម្រេចលុបអាជ្ញាបណ្ឌ នៅថ្ងៃទី១៣ ខែឧសភានេះដែលមានឈ្មោះថា «រិទ្ធិ សែន» « www.rithysen.news.com » ដែលបានបង្កើតក្នុងឆ្នាំ២០១៨ កន្លងទៅ៕
