ភ្នំពេញ៖គណៈសង្ឃនាយក នៃព្រះរាជាណាចក្រកម្ពុជា នៅថ្ងៃទី១៦ ខែកក្កដា ឆ្នាំ២០២១នេះ បានចេញសេចក្ដីសម្រេច ស្ដីពី ការបញ្ចប់មុខតំណែងទីប្រឹក្សាផ្ទាល់ សម្ដេចព្រះមហាសុមេធាធិបតី សម្ដេចព្រះសង្ឃនាយក នៃព្រះរាណាចក្រកម្ពុជាចំនួន២ ព្រះអង្គ។
យោងតាមសេចក្ដីសម្រេច របស់គណៈសង្ឃនាយក បានសរសេរថា «ត្រូវបញ្ចប់មុខតំណែង ភិក្ខុឆវីវង្សោ សុត រស្មី ពីទីប្រឹក្សាផ្ទាល់ សម្ដេចព្រះសុមេធាធិបតី សម្ដេចព្រះសង្ឃនាយក នៃព្រះរាជាណាចក្រកម្ពុជា»។
ដោយឡែកព្រះទេវសត្ថា បណ្ឌិត ពឿយ មេត្តា នាមប្បញ្ញត្តិ សុវណ្ណញាណោ ក៏ត្រូវបានបញ្ចប់មុខតំណែងពីឧត្តមទីប្រឹក្សាផ្ទាល់សម្តេចអគ្គមហាសង្ឃរាជាធិបតី សម្តេចព្រមហាសង្ឃរាជ នៃព្រះរាជាណាចក្រកម្ពុជាផងដែរ។ ព្រះទេវសត្ថា បណ្ឌិត ពឿយ មេត្តា ត្រូវបានតែងតាំងជាឧត្តមទីប្រឹក្សាផ្ទាល់សម្តេចអគ្គមហាសង្ឃរាជាធិបតី សម្តេចព្រះមហាសង្ឃរាជ នៃព្រះរាជាណាចក្រកម្ពុជា កាលពីថ្ងៃទី២៦ ខែតុលា ឆ្នាំ២០១៧ កន្លងទៅ៕
