Yearendyearend1140x150
Img 0571

អ្នកពាក់ព័ន្ធនឹង«គ្លីនិករ៉ាក់ ទួលទំពូង (Clinic Rhac)»សូមតាមដានសុខភាពខ្លួន

សង្គម
/
អ្នកយកព័ត៌មាន:
ស៊ីស៊ីថាមស៍
/

អ្នកជំងឺកូវីដ១៩​​ បានទៅពិនិត្យសុខភាពនៅទីតាំង«គ្លីនិក រ៉ាក់ ទួលទំពូង (Clinic Rhac)» ដែលមានទីតាំងស្ថិតផ្លូវលេខ​៤៣២ សង្កាត់ទួលទំពូងទី២១ ខណ្ឌចំការមន រាជធានីភ្នំពេញ នៅថ្ងៃទី១៦ ខែមិថុនា ឆ្នាំ២០២១ ម៉ោង២ និង០០នាទី ដល់ម៉ោង២ និង៤០នាទី

(ប្រភព៖ អនុគណៈកម្មការស្រាវជ្រាវជំងឺកូវីដ-១៩)

ភ្នំពេញ៖ យោងតាមការប្រកាសរបស់អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២៣ ខែមិថុនា នេះ បានជូនដំណឹងថា អ្នកជំងឺកូវីដ១៩​​ បានទៅពិនិត្យសុខភាពនៅ«គ្លីនិក រ៉ាក់ ទួលទំពូង (Clinic Rhac)» ដែលមានទីតាំងស្ថិតផ្លូវលេខ​៤៣២ សង្កាត់ទួលទំពូងទី២១ ខណ្ឌចំការមន រាជធានីភ្នំពេញ។ ហេតុនេះ អ្នកដែលពាក់ព័ន្ធនឹងករណីនេះ នៅថ្ងៃទី១៦ ខែមិថុនា ឆ្នាំ២០២១ ម៉ោង២ និង០០នាទីដល់ម៉ោង២ និង៤០នាទី សូមដាក់ខ្លួនដាច់ដោយឡែក និង«តាមដានសុខភាព» រយៈពេល ១៤ថ្ងៃ ហើយបើមានរោគសញ្ញាគួរសង្ស័យ សូមមេត្តាប្រញាប់ទៅយកសំណាកធ្វើតេស្តរកកូវីដនៅមន្ទីរពេទ្យ។

ជាមួយនឹងករណីនេះ ដើម្បីសុវត្ថិភាព អាជ្ញាធរ បានអំពាវនាវដល់ប្រជាពលរដ្ឋពាក់ព័ន្ធ ទៅយកសំណាក ហើយធ្វើចត្តាឡីស័កតាមដានសុខភាព និងសូមក្រើនរំលឹកប្រជាពលរដ្ឋ​ដែលបានទៅ ឬមានទំនាក់ទំនងជាមួយបុគ្គលិកធ្វើការនៅទីតាំង«គ្លីនិក រ៉ាក់ ទួលទំពូង (Clinic Rhac)» នៅថ្ងៃទី១៦ ខែមិថុនា ឆ្នាំ២០២១ ម៉ោង២ និង០០នាទីដល់ម៉ោង២ និង៤០នាទី សូមដាក់ខ្លួនដាច់ដោយឡែក និងយកចិត្តទុកដាក់«តាមដានសុខភាព»របស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។

ក្នុងករណីមានរោគសញ្ញា នៃសុខភាពប្រែប្រួលផ្សេងៗ ដូចជា គ្រុនក្ដៅ ក្អក កណ្ដាស់ ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ទៅធ្វេីតេស្តរកមេរោគ និងសូមអញ្ជើញទៅតេស្តកូវីដនៅមន្ទីរពេទ្យដែលនៅជិតបំផុតដូចជា នៅវិទ្យាល័យបាក់ទូក ឬវិទ្យាល័យបឹងត្របែក ឬមណ្ឌលសុខភាពចាក់អង្រែក្រោម ឬមន្ទីរពេទ្យខ្មែរសូវៀត សាលាបឋមសិក្សា«សុភមង្គល» (ក្រោយផ្សារស៊ិន ជូរី បណ្តោះអាសន្ន), វិហារព្រះយ៉េស៊ូ ច្រមុះជ្រូកស្ទឹងមានជ័យ, ផ្លូវឌួងងៀប ជិតរោងចក្រ ឌីនហាន, ដីឡូត៍ ខាងក្រោយផ្សារឯករាជ្យ៣, មណ្ឌលថែទាំជីវិត (ទីតាំងចាក់សំរាមចាស់ ស្ទឹងមានជ័យ) និងមន្ទីរពេទ្យបង្អែកនៅតាមបណ្តាខេត្តនានា ឱ្យបានលឿនតាមដែលអាចធ្វើបាន ហើយសម្រាប់ពត៌មា​នបន្ថែម សូមទាក់ទងលេខ ១១៥។

គួររំលឹកថា អ្នកដែលស្ម័គ្រចិត្តទៅធ្វើតេស្ត សូមកុំភ្លេច​ភ្ជាប់អត្តសញ្ញាណបណ្ឌផ្ទាល់ខ្លួនទៅជាមួយផង និងពាក់ម៉ាសជាប្រចាំ បន្ទាប់ពីអញ្ជើញទៅធ្វើតេស្តសុខភាពរួចរាល់ហើយ សូមបន្តធ្វើការផ្ដាច់ខ្លួនឱ្យនៅដាច់ដោយឡែករយៈពេល១៤ថ្ងៃបន្តទៀត ដើម្បីទប់ស្កាត់ការរីករាលនៃជំងឺកូវីដ១៩ ដើម្បីខ្លួនឯង គ្រួសារ និងសង្គមជាតិទាំងមូល៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង