បន្ទាយមានជ័យ៖ រដ្ឋបាលខេត្តបន្ទាយមានជ័យ នៅថ្ងៃទី១៧ ខែមិថុនា ឆ្នាំ២០២១ បានប្រកាសបង្ហាញអត្តសញ្ញាណអ្នកជំងឺកូវីដ នៅខេត្តបន្ទាយមានជ័យ ចំនួន ៤៧នាក់ ដែលរកឃើញវិជ្ជមានជំងឺកូវីដ-១៩ នៅថ្ងៃទី១៦ មិថុនា ២០២១ ម្សិលមិញនេះ ដែលជាករណីឆ្លងក្នុង«ព្រឹត្តិការណ៍សហគមន៍២០កុម្ភៈ» នៅខេត្តបន្ទាយមានជ័យ និងករណីពលករខ្មែរមកពីថៃ ខណៈដែលមានអ្នកជាសះស្បើយពីជំងឺកូវីដ ក្នុងថ្ងៃទី១៧ ខែមិថុនា ឆ្នាំ២០២១ មានចំនួន ៦៣នាក់បន្ថែមផងដែរ។
នេះបើតាមសារព័ត៌មានស៊ីស៊ីថាមស៍ទទួលបាន នៅរសៀលនេះ ដោយយោងតាមសេចក្ដីជូនដំណឹងរបស់រដ្ឋបាលខេត្តលទ្ធផលតេស្តរហ័ស (Rapid Test) និងមន្ទីរពិសោធន៍ភ្នំពេញ (NIPH) នៅថ្ងៃទី១៦ ខែមិថុនា ឆ្នាំ២០២១ រដ្ឋបាលខេត្តបន្ទាយមានជ័យ បានរកឃើញវិជ្ជមានជំងឺកូវីដ-១៩ ថ្មី ចំនួន ៤៧នាក់បន្ថែមដូចខាងក្រោម៖
![](https://cdn.cc-times.com/kh.cc-times.com/media/13374/large/194845414_1693800017484753_9041013299738946856_n.jpeg?1623916399)
![](https://cdn.cc-times.com/kh.cc-times.com/media/13372/large/194878745_1693800080818080_964838672654475362_n.jpeg?1623916398)
![](https://cdn.cc-times.com/kh.cc-times.com/media/13373/large/196927661_1693800010818087_6925215806750466470_n.jpeg?1623916398)
ដោយឡែកខាងក្រោមនេះ អ្នកជាសះស្បើយពីកូវីដចំនួន ៦៣នាក់ នៅថ្ងៃទី១៧ ខែមិថុនា ឆ្នាំ២០២១ នេះ មានឈ្មោះដូចខាងក្រោម៖
![](https://cdn.cc-times.com/kh.cc-times.com/media/13377/large/193977633_1693799910818097_6619271472753133149_n.jpeg?1623916418)
![](https://cdn.cc-times.com/kh.cc-times.com/media/13376/large/197886862_1693799994151422_1237512352958278862_n.jpeg?1623916418)
![](https://cdn.cc-times.com/kh.cc-times.com/media/13375/large/199276168_1693799990818089_6078599378769475854_n.jpeg?1623916418)
![](https://cdn.cc-times.com/kh.cc-times.com/media/13379/large/196243773_1693800004151421_2809756521405492932_n.jpeg?1623916419)
![](https://cdn.cc-times.com/kh.cc-times.com/media/13378/large/198987949_1693799974151424_350216627872502084_n.jpeg?1623916419)
ជាមួយគ្នានេះ រដ្ឋបាលខេត្ត បានផ្ដល់ព័ត៌មាន និងអំពាវនាវដល់បងប្អូនប្រជាពលរដ្ឋ និងសាធារណជន ដែលបានប៉ះពាល់ដោយ ផ្ទាល់ជាមួយនឹងអ្នកដែលវិជ្ជមានកូវីដ ដែលអាជ្ញាធរបានបញ្ជាក់បង្ហាញដូចខាងលើនោះ សូមរួសរាន់ទៅជួបក្រុមគ្រូពេទ្យ និងធ្វើចត្តាឡីស័ក ដើម្បីយកសំណាកទៅពិនិត្យ និងអ្នកប៉ះពាល់ដោយប្រយោល ជាមួយអ្នកវិជ្ជមានជំងឺកូវីដ-១៩ ខាងលើ សូមរួសរាន់ធ្វើចត្តាឡីស័កតាមផ្ទះក្នុង ក្រុមគ្រួសាររៀងៗខ្លួន ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត។
ក្នុងករណីមានការប្រែប្រួលសុខភាពខុសប្រក្រតីដូចជាឡើងកម្ដៅ លើសពី ៣៧អង្សាសេ អាការៈ ក្អក កណ្តាស់ ហៀរសំបោរ ឈឺបំពង់ក មានកំហាក ថប់ដង្ហើម...។ល។ ត្រូវប្រញាប់ទំនាក់ទំនងទៅក្រុមឆ្លើយតបបន្ទាន់ នៃ មន្ទីរសុខាភិបាលនៃរដ្ឋបាលខេត្ត ឬមន្ទីរពេទ្យខេត្ត ក្រុង ស្រុក ឬមណ្ឌលសុខភាពឃុំ សង្កាត់ និងអាជ្ញាធរ មូលដ្ឋាន តាមរយៈទូរស័ព្ទលេខ ០១២ ៧២៤០៤២ / ០១២ ៩៤៨៧៧៩ ដោយនៅតែបន្តចូលរួមអនុវត្តតាមវិធានការ “៣ការពារ ៣កុំ”៕