បាត់ដំបង៖ អាជ្ញាធរខេត្តបាត់ដំបង នៅថ្ងៃទី០៤ ខែមិថុនា ឆ្នាំ២០២១ បន្តរកឃើញករណីវិជ្ជមានកូវីដ-១៩ថ្មី ចំនួន ២៦ នាក់ទៀត ខណៈមានអ្នកជាសះស្បើយពីកូវីដ ចំនួន ០៣នាក់បន្ថែមទៀត។
យោងតាមសេចក្ដីជូនដំណឹងរបស់រដ្ឋបាលខេត្ត បានបញ្ជាក់ថា អ្នកវិជ្ជមានកូវីដទាំង ២៦នាក់ ក្នុងនោះជាករណីឆ្លងក្នុងសហគមន៍ជាមួយព្រឹត្តិការណ៍២០កុម្ភៈ ចំនួន ១៦នាក់ និងពលករខ្មែរមកពីថៃ ចំនួន ១០នាក់។
សូមបញ្ជាក់ថា គិតមកពេលនេះ នៅក្នុងខេត្តបាត់ដំបង មានអ្នកឆ្លងកូវីដសរុបចំនួន ៣៥២នាក់ , អ្នកជាសះស្បើយសរុបចំនួន ១១៩នាក់ , ករណីស្លាប់សរុបចំនួន ០២នាក់ និងនៅមានអ្នកជំងឺដែលកំពុងសម្រាកព្យាបាលនៅមន្ទីរបង្អែកនានា ចំនួន ២៣១នាក់។
