ភ្នំពេញ៖ យោងតាមសេចក្ដីជូនដំណឹងក្រសួងសុខាភិបាលកម្ពុជា នៅថ្ងៃទី០៣ ខែឧសភា ឆ្នាំ២០២១ នេះ បានប្រកាសព័ត៌មានអំពីស្ថានភាពជំងឺកូវីដនៅទូទាំងប្រទេស បានបង្ហាញពីអ្នកជំងឺកូវីដចំនួន ៤នាក់បន្ថែមទៀត បានទទួលមរណភាពដោយសារជំងឺកូវីដ-១៩ ដែលក្នុងនោះ មានម្នាក់ទទួលមរណភាពនៅខេត្តកំពង់ចាម និង ៣នាក់ទៀត បានទទួលមរណភាពនៅរាជធានីភ្នំពេញ។
គួរបញ្ជាក់ថា គិតត្រឹមព្រឹកម៉ោង៧ និង០០នាទី ថ្ងៃទី០៣ ខែឧសភា ឆ្នាំ២០២១នេះ កម្ពុជាមានអ្នកកំពុងសម្រាកព្យាបាលជំងឺកូវីដនៅមន្ទីរពេទ្យចំនួន ៩៨១៨នាក់ ហើយករណីស្លាប់ ១០៦នាក់៕
