ភ្នំពេញ៖ ក្រសួងសុខាភិបាលកម្ពុជា នៅថ្ងៃទី៣០ ខែមីនានេះ បានចេញសេចក្តីប្រកាសព័ត៌មានបញ្ជាក់ពីការរកឃើញអ្នកឆ្លងជំងឺកូវីដ-១៩ ថ្មីចំនួន ១០៥នាក់បន្ថែមទៀត ដែល១០៤នាក់ជាអ្នកជាប់ពាក់ព័ន្ធក្នុង«ព្រឹត្តិការណ៍សហគមន៍២០កុម្ភៈ» និងជាសះស្បើយចំនួន ០៤នាក់ផងដែរ។
ក្នុងចំណោមអ្នកឆ្លងថ្មី ទាំង១០៥នាក់ខាងលើ មានម្នាក់ជាអ្នកដំណើរចូលកម្ពុជា (មិនមែនជាពលករខ្មែរមកពីថៃ) និងចំនួន ១០៤នាក់ទៀត មានអាសយដ្ឋាននៅរាជធានីភ្នំពេញឆ្លងច្រើនជាងគេនៅថ្ងៃនេះ ដែលមានចំនួនអ្នកឆ្លងរហូតទៅដល់ ៤៥នាក់ ហើយនៅខេត្តព្រះសីហនុ ៣៤នាក់ , ខេត្តស្វាយរៀង ១៩នាក់, ខេត្តព្រៃវែង ០២នាក់, ខេត្តកំពង់ចាម ០២នាក់, តាកែវ ០១នាក់ និងខេត្តត្បូងឃ្មុំ ០១នាក់។
គួរបញ្ជាក់ថា គិតត្រឹមថ្ងៃទី៣០ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ២៣៧៧នាក់ ជាសះស្បើយចំនួន ១១៧៦នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ១១៨៦នាក់ ហើយករណីស្លាប់ ១១នាក់៕
