លោក ជី ដេវីត និងអ្នកនាង ទេព បូព្រឹក្ស ព្រមទាំងសាច់ញាតិ ប្រកាសចូលរួមថវិកាសរុប ៣ម៉ឺនដុល្លារ ជួយពលរដ្ឋភៀសសឹក និងវីរកងទ័ពជួរមុខ

ភ្នំពេញ៖ លោក ជី ដេវីត និងអ្នកនាង ទេព បូព្រឹក្ស ព្រមទាំងសាច់ញាតិ នៅថ្ងៃទី៩ធ្នូនេះ ប្រកាសចូលរួមថវិកាសរុប ៣ម៉ឺនដុល្លារ ជួយពលរដ្ឋភៀសសឹក និងវីរកងទ័ពជួរមុខកម្ពុជា។ ជាមួយគ្នានេះ តាមរយៈទំព័រហ្វេកប៊ុកផ្លូវការរបស់លោក ជី ដេវីត បានប្រកាសថា ថ្ងៃស្អែកនេះ លោកនឹងរៀបចំបើក «មូលនិធិអ្នកចម្បាំងឈាមខ្មែរ ‘ KHMER WARRIORS FUND» ឡើងវិញ ហើយអ្នកគាំទ្រក៏ដូចជាជនរួមជាតិ ដែលមានបំណងចង់ចូលរួមបាន ដើម្បីជួយដល់បងប្អូនជនភៀសសឹក និង វីរកងទ័ពជួរមុខកម្ពុជា។

ខ្ញុំបាទ G-DEVITH និង ទេព បូព្រឹក្ស សូមអំពាវនាវដល់បងប្អូនជនរួមជាតិទាំងក្នុងនិងក្រៅប្រទេសសូមចូលរួមតាមលទ្ធភាព។

លោក ជី ដេវីត បានឲ្យដឹងពីគោលបំណង ៣ សម្រាប់មូលនិធិនេះគឺ:ទី១ ផ្តោតសំខាន់ទៅលើយោធាវីរកងទ័ពសមរភូមិជួរមុខគ្រប់មូលដ្ធាន។ ធានាបាននូវស្បៀង ដែលហែកហូបបានភ្លាមៗ និង ស្បៀងឆ្អិនស្រាប់ ថ្នាំសង្កូវ ឧបករណ៍ប្រើប្រាស់ចាំបាច់ និង បម្រុងសម្រាប់ករណីចាំបាច់។

គោលដៅទី២៖ ថវិការនឹងស្តុកទុកមួយចំណែកដើម្បីចូលរួមជាមួយរាជរដ្ធាភិបានផ្គត់ផ្គង់បន្ថែមក្នុងករណីចាំបាច់ផ្នែក ‘ ពេទ្យ និង យុវជនស្ម័ក្រចិត្ត។ គោលដៅទី ៣៖ ចូលទៅដល់ទីតាំង ជនភៀសសឹក ផ្គត់ផ្គង់របស់ចាំបាច់គ្រឿងឧបភោគបរិភោគ និង របស់ប្រើប្រាស់ចាំបាច់ ។ ដល់ដៃ ដល់ទីតាំង

ដោយគោលដៅ 3 ប្រការខាងលើនេះ លោក ជី ដេវីត និងអ្នកនាង ទេព បូព្រឹក្ស អាចធានាបាននូវថវិកាបងប្អូនដែលបានចូលរួម មិនឲ្យបាត់មួយកាក់មួយសេនណាឡើយ។ ក្នុងបុព្វហេតុជាតិលើកនេះទោះបីប្រទេសយើងតូចតែបេះដូងខ្មែរសាមគ្គីធំប៉ុនមហាមេឃ។

គួរបញ្ជាក់ថា« មូលនិធិអ្នកចម្បាំងឈាមខ្មែរ ‘ KHMER WARRIORS FUND» គឺគោលបំណងធំផ្តោតសំខាន់ទៅលើយោធា និង កងទ័ពសមរភូមិមុខ និង បងប្អូនជនភៀសសឹក៕